我哋七點幾到好彩仲有吧枱位, 坐多陣已經座無虛席高朋滿座, 一睇餐牌真係好多種選擇都唔知食咩好, 我同我朋友都提議一人揀一啲食物, 我揀當然會揀我鍾意食嘅至愛燒魷魚, 燒雞髀, 新鮮生蠔, 蟹肉味噌吐司同埋原隻燒雞髀啦！我朋友就揀咗雞肉完全雜錦壽司七味魚翅同埋邊隻豆腐, 飲品大家都係揀咗柚子蜜梳打最尾就係你個甜品味噌焦糖布丁作為今晚嘅終結.
原來呢間居酒屋係正宗日本人開, 行談傾咗幾句老細真係好nice好健談, 一嚟就食一個冰鎮豆腐, 個冰鎮豆腐好嫩滑同啲醬汁芝麻同紫菜係極配, 之後嚟嗰個七味熱刺食落真係好似雞泡魚, 之後嚟咗隻原隻燒雞髀隻雞髀真係好嫩口脆皮嫩滑入口鬆化, 個刺身係厚切三文魚同埋吞拿魚口感一流, 食完個刺身嚟咗一隻魷魚, 入口好嫩滑口感新鮮煙韌, 之後就嚟咗我個極愛蟹肉味噌吐司, 啲蟹膏同蟹肉真係極品好濃鬱嘅蟹味加上吐司鬆化嘅口感食到舐舐脷, 我同我朋友一人一支雞肉串加埋個膽汁同埋雞肉串嘅燒汁好有口感食落好彈牙, 至於個大大隻生蠔加埋檸檬汁新鮮到呢真係形容唔到, 最尾食埋個焦糖布甸真係大滿足飽住個肚走. 依晚張單兩個人都唔使800蚊, 一人三百幾蚊真係超值. 下次去開中環一陣帶埋啲好朋友要book定枱上去擦返餐.
1
