南華軒

營業中

休息中

之前同朋友嚟過南華會打波，但無為意有一間咁出色嘅中菜餐廳。主打懷舊粵菜，賣嘅唔係奢華花巧，而係穩打穩扎嘅廚藝同火候。四個人，三餸一湯一飯，滿足嘅一餐。茶壺功夫湯以紫砂壺盛載，溫度保存更持久。材料料，有雞、螺肉、蟲草花等，好足料，火候十足。古法扣龍躉翅 龍躉啖啖肉，份量十足。肉質嫩滑，爽滑魚皮口感爽滑煙韌，口感一流。另配有冬菇、生菜、枝竹等。百花釀蟹鉗 炸得金黃脆身。口感實淨，咬落熱辣辣，仲有大大條鮮甜蟹肉，蘸上酸汁更吸引。米皇魚湯浸豆苗從來最喜歡豆苗，鮮嫩翠綠。沙煲乾炒福建飯 一上菜已經聞到非常香，火候無得輸。用上蝦仁、菜心粒、菇等一齊炒，飯粒分明，仲有少量飯焦，比一般福建炒飯更吸引。