生龍清湯腩 (褔榮街)

營業中

休息中

我在石硤尾暫居的日子搵食系列一今日一行三人在深水埗食晚餐，因為打算輕食晚餐，於是去咗呢間生龍清湯腩。呢度嘅牛腩係可以揀瘦腩，半肥腩同肥腩。愛好肥肉嘅我當然要肥腩，嘻嘻。 當我哋等緊嘅時候，同檯的客人向店員表示牛腩很韌，於是店員就說聲不好意思，然後就幫他換了，我都係第一次見可以換牛腩，真係孤陋寡聞，今時今日呢啲先叫做好嘅服務 。我點嘅係清湯肥腩河，牛腩肉味濃郁，肉紋易見，食落很腍，而且肥膏豐腴，真係唔錯。伴食的白蘿蔔也很清甜，河粉夠幼滑，只是份量不算多，食完真係要去食甜品。