影片
更多
2015-08-26
475 瀏覽
無黎幾個星期，依家轉用點菜紙喎，睇吓有咩唔同先。今天工作備受壓力，又比我發癲老闆激到噴煙，要食超勁辣減壓，驅走負能量先得。想有得坐裡面嘆冷氣一定要七點半前到，遲左就滿座喇 ﹗奇味雞煲，招牌菜，今次挑戰頂級大辣 ﹗地獄級超勁辣減壓雞煲！大辣再加辣！食完先知原來大辣係比中辣勁一倍架，老闆咁遲先講架。由細到大都好食得辣，但從來未試過辣到今晚既 level ﹗救命 ﹗辣味係口腔內還可以受得住，好正 ﹗好刺激 ﹗但落到胃，佢開始慢慢滲透全身，汗水不斷係頭頂、額頭、背脊流出，好快已成身濕透，連頭髮都濕晒 ﹗用左 4 張紙巾抺汗 ﹗大量香料、乾蔥、花椒、指天椒、芹菜，炒得非常香噴噴 ﹗雞件爆得皮香肉嫩，食到唔停得口呀 ﹗如果加埋豬潤就更正，但咁啱賣晒呢，仲想整個啫啫雞食添 ﹗最初我地 order 既大辣雞煲比錯左斜對面張枱一男一女，佢地食到叫救命，辣到想自盡，滿面通紅，颷晒眼水，勁搞笑 ﹗最後老闆娘換過一煲少辣比佢地囉，哈哈。食完成個超勁大辣奇味雞一隻，得返棚骨，連骨都比辣椒浸到紅卜卜架，真係好堅呀，辣到有點頂唔緊 ﹗我愛食細細隻瘦雞仔多過大肥雞，肉質更嫩，又唔會癡肥麻 ﹗現在可以加湯打邊爐喇。掛住
奇味雞煲，招牌菜，今次挑戰頂級大辣 ﹗地獄級超勁辣減壓雞煲！大辣再加辣！食完先知原來大辣係比中辣勁一倍架，老闆咁遲先講架。由細到大都好食得辣，但從來未試過辣到今晚既 level ﹗救命 ﹗
辣味係口腔內還可以受得住，好正 ﹗好刺激 ﹗但落到胃，佢開始慢慢滲透全身，汗水不斷係頭頂、額頭、背脊流出，好快已成身濕透，連頭髮都濕晒 ﹗用左 4 張紙巾抺汗 ﹗大量香料、乾蔥、花椒、指天椒、芹菜，炒得非常香噴噴 ﹗
雞件爆得皮香肉嫩，食到唔停得口呀 ﹗如果加埋豬潤就更正，但咁啱賣晒呢，仲想整個啫啫雞食添 ﹗最初我地 order 既大辣雞煲比錯左斜對面張枱一男一女，佢地食到叫救命，辣到想自盡，滿面通紅，颷晒眼水，勁搞笑 ﹗最後老闆娘換過一煲少辣比佢地囉，哈哈。
食完成個超勁大辣奇味雞一隻，得返棚骨，連骨都比辣椒浸到紅卜卜架，真係好堅呀，辣到有點頂唔緊 ﹗我愛食細細隻瘦雞仔多過大肥雞，肉質更嫩，又唔會癡肥麻 ﹗現在可以加湯打邊爐喇。掛住食又唔記影相呀 ﹗
Order 左魚腐，保持水準，外皮香帶淡淡咸味、裡面軟滑多汁。必食手切本地肥牛即牛頸脊，鮮甜滑溜牛味特濃，腍得黎又有咬口。雞子、生菜、皇帝菜，竹笙索晒辣湯好刺激呀 ﹗因為今次食大辣，就算加左湯辣度都好勁呢。
張貼
