莆田 (美麗華廣場2期) (已結業)

對原本對福建菜不太大興趣嘅我 見到係米芝蓮一星餐廳 不禁好奇想試下 雖然一早book枱 但因為星期五晚 所以都等咗一陣 餐廳設計係半開放式 個人黎講就唔太鍾意俾外面望住食野嘅感覺呢個時期餐廳以紫菜做主題 有一系列菜式 <<精美四小拼>>四小拼包括蝦苗伴頭水紫菜、水晶豬蹄凍、滷水豆腐、九轉小腸令我最驚喜嘅係蝦苗伴頭水紫菜 味道酸酸甜甜 帶出紫菜嘅鮮香 而且口感細膩  <<紫菜燉豬蹄>>豬蹄肉質鮮嫩配合鮮香嘅紫菜 增加整鍋燉湯嘅層次<<芋香鴨>>外層酥香且口感鬆化 呢個時期嘅芋頭好合時 所以好夠粉，而且以酥炸的方式烹調 能夠激發芋香。芋頭包住滷水鴨 鎖住了肉汁又提升咗整體嘅酥香<<莆田荔枝肉>>其實係同平時食開嘅咕嚕肉一樣 只係由菠蘿改成荔枝 唔太特別 <<興化炒米粉>>米粉嘅口感好特別 同平時食開嘅米粉好唔同 相對幼好多 配上海鮮一齊炒 令看似平平無奇嘅炒米粉 好夠鑊氣同鮮香   值得一提嘅係呢個米粉係以燜炒方式烹調 所以唔會有油