Turkeyano

營業中

休息中

土耳其食物在香港比較少見，今日同朋友經過一間舖，見裝修唔錯，好colorful, 又eye catching 。 店舖細細，好有特色，有爆谷機同埋土耳其雪糕。朋友話試過唔錯。我未食過土耳其食物，決定買返屋企同媽咪試下。order 食物後，店員即叫即做，保證新鮮。烤雞肉卷餡料十分豐富，個卷熱辣辣，生菜蕃茄入口爽而且新鮮，主角烤雞有著濃厚香料味，充滿土耳其嘅氣息。香辣調味料特別惹味，烤肉香味濃郁。個卷份量十足，食一個絕對滿足。脆皮雞卷同樣係雞，雞肉一樣嫩滑，雞肉炸得十分香脆，外脆內軟，而且炸得唔會十分油，感覺呢個卷醬汁較多，醬汁惹味，食落juicy 。土耳其卷加$25就可以升級做套餐，有薯條同埋罐裝汽水。薯條即叫即炸，新鮮香脆。就算帶回家後，口感仍然香脆，值得稱讚，薯條加入咗少少香草黑胡椒調味，特別好食。爆谷在家抗疫，成日都煲劇，特登買咗個爆谷返去邊睇邊食，爆谷有焦糖味，甜甜的，是煲劇很好嘅小食。