影片
更多
2019-05-28
565 瀏覽
對我而言，我對山林道既印象只限於謝安琪首「山林道」歌曲，甚至歌詞都唔係好記得。不過今餐後，我知道山林道有一間出色既omakase 既日式餐廳。味一番既omakase套餐分別有$600，$900同$1200選擇。我作為「窮書生」就揀左$600既「一」，有兩款小食，十款壽司等等。我地坐係壽司枱，可以近距離一睹師傅製作壽司時既風采。壽司會逐件呈上。師傅替所有壽司塗上醬汁，所以味道一定足夠，無需自行塗上醬汁。首先有兩款小食，細細碟幾精緻。另外亦有麵豉湯，入面幾足料，包括豆腐粒同大蜆等等，非常清甜。左囗魚壽司本身肉質比較厚實，魚油香出色。上面放左少少梅同蔥，酸酸甜甜嘅味道令整體無咁膩。深海池魚肉質比較爽口，相反池魚肉質較嫩，上面仲放左少少薑，口感更豐富。魷魚本身落咗岩鹽，所以味道足夠。肉質晶瑩剔透，非常爽口。金木鯛魚肉夠爽，清中帶甜。魚皮有輕輕煎過，活化左皮下脂肪，令魚肉帶甘香。金木鲷魚味道比一般魚生更有層次。北海道帶子有輕輕燒過，增加左帶子香。另外帶子新鮮夠大隻，而且好鮮甜。甜蝦膠質十足，未試過咁「膠」真係超正。另外蝦籽作小小點綴。自己未見過吞拿魚腩可以咁肥美，從上向下望，吞拿魚腩覆蓋曬成件壽
味一番既omakase套餐分別有$600，$900同$1200選擇。我作為「窮書生」就揀左$600既「一」，有兩款小食，十款壽司等等。
我地坐係壽司枱，可以近距離一睹師傅製作壽司時既風采。壽司會逐件呈上。師傅替所有壽司塗上醬汁，所以味道一定足夠，無需自行塗上醬汁。
首先有兩款小食，細細碟幾精緻。另外亦有麵豉湯，入面幾足料，包括豆腐粒同大蜆等等，非常清甜。
左囗魚壽司本身肉質比較厚實，魚油香出色。上面放左少少梅同蔥，酸酸甜甜嘅味道令整體無咁膩。
深海池魚肉質比較爽口，相反池魚肉質較嫩，上面仲放左少少薑，口感更豐富。
魷魚本身落咗岩鹽，所以味道足夠。肉質晶瑩剔透，非常爽口。
金木鯛魚肉夠爽，清中帶甜。魚皮有輕輕煎過，活化左皮下脂肪，令魚肉帶甘香。金木鲷魚味道比一般魚生更有層次。
北海道帶子有輕輕燒過，增加左帶子香。另外帶子新鮮夠大隻，而且好鮮甜。
甜蝦膠質十足，未試過咁「膠」真係超正。另外蝦籽作小小點綴。
自己未見過吞拿魚腩可以咁肥美，從上向下望，吞拿魚腩覆蓋曬成件壽司飯。用豉油葉制令本身肥美既拖羅加添少少醎香，而且完全無筋。
赤鹿一樣咁肥美，不過肉相比之下比較紮實。
蘆筍炒帶子係自己額外叫，自己不嬲都鍾意蘆筍。
最後食埋烏冬就非常完美。餐廳採用稻庭烏冬，麵條較幼，彈牙帶少少煙韌度。
「味一番」我一定會記住你，等我下次試「番」或「鮨」。
張貼
