味一番

我已經去這間餐廳吃了很多年了，每次去，服務員的態度都很熱誠，食物的質素和份量亦一直保持得很好。它的菜式無論是刺身、串燒、炸物、鍋物等等都很好吃，而且環境10分衛生，上菜又快。我非常推薦這間餐廳。…查看更多

ʚ #螢光魷魚 (熟) ɞ生嘅螢光魷魚就成日都食今日呢個期間限定係熟嘅魷魚味道冇生嘅咁腥對於一啲唔食生野既朋友仔值得一試ʚ #三文魚鱗 ɞ望落好似平時食開既魚皮但食落係比魚皮薄好多 鬆好多 食幾多都唔會介損口 正呀ʚ #頂級刺身拼盤 ɞ大拖羅 紫菜包海膽 牡丹蝦 帶子 鯛魚 油甘魚樣樣都非常鮮甜 睇相都知道魚生幾咁厚切ʚ #燒牛柳 ɞ燒牛柳入邊仲係嫩嘅肉一啲都唔韌 和牛既牛味唔洗介紹 無得輸ʚ #鹽燒喜之次 ɞ呢到煮既喜之次生熟程度啱啱好啖啖魚肉都食到油脂感好重 香到不得了上次食左呢到既汁煮喜之次但個人覺得今次呢個鹽燒先唔會搶左佢個魚鮮味…查看更多

今次跟朋友一齊品嚐一下味一番，老闆係佢朋友，店長親自服務坐在包廂裡享受omakase，小酌怡情，感覺好舒服好chill～前菜係日本溫室番茄沙律，居然已經好吸引我繼續食落去！大拖羅腩、金扇鯛、油甘魚腩、帆立貝海膽漢堡、象拔蚌刺身刺身以新鮮生魚片主要食材，搭配清淡的調味品。每一片厚切魚片都是廚師精心挑選、切割而成，保留了海鮮的原始鮮美味道，肉質鮮嫩欲滴、油脂分布均勻、魚油充斥在口腔每一寸！。每一次品嘗都是一次對味蕾的挑戰與享受，讓人流連忘返！象拔蚌以刺身吃法，保留了原有的爽脆鮮甜，食過番尋味！除了刺身，還有串燒，烤得外脆內軟，鎖住曬啲肉汁！搭配上一杯清冽的日本清酒，更是回味無窮！最後店長送上是日雪糕，有開心果味、芝麻味、鹽味雲尼拿雪糕🍧鹽味雲尼拿好特別，鹹鹹地甜甜地，估唔到又咁夾！有甜品食令到原本已經好好味嘅料理，更多一番風味！朋友話之前試過柚子味雪糕！原來每日都唔同味道！店長話係希望客人每次嚟都會有新鮮感！📍 味一番 (尖沙咀)尖沙咀山林道22-28號☎️+852 2317 6718…查看更多

無論招待 食物質素 氣氛環境 完全💯 完全愉快及美味的晚餐🥣一定會再去！Ps: 首次openrice 寫評語，因為太想贊許👍🏻希望下次有機會再影相，因太好食忘記了😹…查看更多

一間係山林道嘅日本餐廳，每次經過都覺得太high class，所以唔敢入去但原來lunch set都唔算好貴，仲包左沙律、前菜、麵豉湯、茶碗蒸所以就決定入嚟試下😉 火炙三色丼：啲魚生片都係厚切，所以食落有啲魚油爆出嚟，唔錯不過啲壽司飯有啲太酸，可能師傅落醋重手左少少😅 燒牛柳定食：上碟好靚，成件事又好高級🤣但朋友話啲牛柳粒好稔，稔到有啲唔似食緊牛柳 菜式：- 午市套餐-火炙三色丼：$138- 午市套餐-燒牛柳定食：$148 味道：🤤🤤🤤🤤/5性價比：🤤🤤🤤🤤/5…查看更多

喂喂喂！朋友仔，你知唔知尖沙咀山林道有一間日式餐廳食得好正宗㗎？梁紹佳大廚噏到咁，食完Omakase真係一流！海鮮嘅新鮮度，嗱！咪就喺蜆肉麵豉湯一啖就知，順滑得嚟夠kick，真係唔蝕底，海鮮咁足料，啖啖肉！嗌咗個Omakase，先來三塊金目鯛，真係鮮美得滯😍。佢啲肉粉嫩得嚟，仲有啲稀有嘅鮟鱇魚肝，食落去軟滑，完全冇一絲腥味！仲有呢個金線鯛，啲魚肉鮮香得黎，叫好多日本料理店都望塵莫及㗎。油金隦腩，軟綿綿，佢啲油花分佈得好均勻，入口即化。而屋企島池魚，肉質凍澀味濃，外層脆卜卜魚鱗夾帶紫蘇花，一啖嘅清新夠哂哂味！火灸金目鯛令人驚艷！薄脆魚肝配搭，即係傳聞中既「rice to meet you」！手卷嘅部分，蔥拖羅真係滑溜又帶點刺激，每一口都令人想再嚟多幾轉👍🏻。食完嗌完，甜品是椰子雪糕坐實收尾，每一啖都清新又消暑。好啦，唔好聽我啲啲啲，自己去試吓先至知道啦，爆晒炸嘅Omakese之旅，真係唔試就蝕底！🍣🍜🍨…查看更多

朋友拉我去食一轉新開嘅日本餐廳，坐低正嗌晒一班人嘅目光。嗌咗幾樣招牌啲，首先講下佢哋嗰個和風蕃茄，啖啖清新爽口，真係開胃。然後試咗前菜，赤貝裙邊，咸香得嚟口感鮮美，好似海嘅味道喺咀裡面跳舞咁😋。啲蜆肉麵豉湯夠哂味，飲落去暖笠笠，仲有大粒蜆肉，品到鮮味直頂腦。再講講啲壽司，啊噢，個金線鯛（即係紅衫魚啦）根本就係上咗油，香滑喺咀裡面化咗。深海池魚偏肥美，有啲似煙花咁彈牙，味道就深啲，但係又唔會過份壓倒。啱啱好，好balance👌。個加拿大海膽真係無得輸，鮮甜得嚟唔膩口，識得享受既你一定鐘意😍。講到嗰碗黑松露清酒焗野菌，哎喲，個香味勁到飄出街咁遠都聞到，入口即溶，松露嘅香氣撲鼻。然後個鰻魚豆腐，豆腐香滑得滯，翻翻軟綿，真係夾到飛起，㗎嘻嘻。最後攪個稻庭烏冬，好過癮，啲湯底溝得啱啱好，唔會令到人覺得食罷咗，綿長後勁🍜。總之食完今晚，感受到實實在在嘅滿意同幸福。下次我一定再嚟，帶埋全世界一齊嚟試！…查看更多

好耐冇食過刺身飯~無意間俾我哋搵到呢間隱世居酒屋🏮午市有多款刺身飯、丼飯跟前菜、野菜沙律，麵豉湯、茶碗蒸、甜品，非常豐富😍▶️ 前菜：木耳絲配紅蘿蔔漬物，味道酸酸地幾開胃▶️ 野菜沙律：簡單嘅沙律菜配車厘茄，以沙律醋為醬料🥗▶️ 麵豉湯：材料唔算多，有幾條腐皮同海帶，麵豉味重而唔鹹▶️ 茶碗蒸：遜色啲，配料唔多得幾條菇，蒸蛋偏水汪汪同唔夠滑🫢感覺冇咩調味▶️ 杜丹柱貝海鮮丼 ($188)成個面鋪滿刺身，全部望落水潤有色澤三文魚、油甘魚、帶子各三切，中間一隻巨型牡丹蝦牡丹蝦連頭連尾，味道超鮮甜🦐黏黏地爽口，得一隻特別珍貴帶子肉質鮮嫩滑溜，帶甘甜味😋三文魚肥美🐟未算香魚油味但都好食個人本身唔偏好油甘魚，可能平時食嗰啲多筋，呢個反而幼滑細膩，比三文魚實身，有驚喜旁邊有姜、醃蘿蔔、Wasabi刺激味蕾，醃蘿蔔酸酸地爽脆，啱晒配壽司飯食壽司飯質感唔錯🍚米粒黏身飽滿，唔重醋味，暖暖哋本身加上少許蛋絲紫菜飯素調味，再簡單落啲豉油已經好夠味▶️ 北海丼 ($258)分別在有海膽、島池魚、三文魚子，同埋將牡丹蝦換成兩隻甜蝦第一次試海膽😯入口即溶，軟滑黏稠，帶有獨特嘅香味，幾得意整體所有刺身都好新鮮好嫩滑只有島池魚韌咗少少🤏🏻▶️ 甜品係維紀一口雪米糍，放起室溫解凍一陣就唔會好冰外皮煙靭，鋪上一層粉，入面係普通嘅雲呢拿雪糕🍦甜品唔需要多，少少已經好滿足😌-刺身果然有返咁上下水準，最鍾意帶子刺身同牡丹蝦❣️初次試食海膽都唔錯服務好好，俾客人感覺專業高級我哋揀吧位坐，有omakase feel，可以望住師傅們清洗同預備刺身🧑🏻‍🍳午市收三點，我哋兩點入席都好好招呼，成為最尾一枱客侍應亦冇催我哋走價錢雖然貴少少，但以質素衡量，物有所值👍🏻晚市黎食應該都非常有feel…查看更多

味一番📍地址：尖沙咀山林道22-28號想食日本野 又唔想淨係食壽司 可以試下呢間居酒屋 不過要預早訂位 當日臨時訂位要訂到晚上8:30先有位食物質素幾好 樣樣都覺得幾好食😋六色刺身刺身新鮮，食落有啖啖的鮮味，刺身的質地嫩滑，也有口感，不錯。😋海膽壽司雖然價錢唔平，但交足貨，成件壽司放滿新鮮的海膽，而且海膽味道濃郁，食完有回甘的味道，值得推介😋燒牛舌、燒白鱔推介推介，呢度串燒好好食。牛舌厚厚的，也滿有牛味；白鱔外脆內軟、正食物：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️…查看更多

又到尖沙咀山林道呢面覓食，山林道真係好多野食，今日試呢間日本菜的lunch。花角切什錦丼 $88 原價其實係$138，不過每日有限定6位$88呢個優惠價，咁我就都算好彩享用到呢個優惠。丼飯的魚生都幾大份，堆到好滿，食到最後我食哂d飯都仲有好多魚生🤣食到有三文魚，油甘魚，吞拿魚，鯛魚，玉子和青瓜，仲有一款非常爽脆的貝類，但唔係好知個貝類全名😅各種魚生都非常新鮮，食落味道細膩鮮甜，口感彈牙，連青瓜都非常爽脆，以優惠價$88黎講性價比都幾高。跟餐有 沙律，前菜，茶碗蒸同味噌湯。前菜係日式薯仔沙律，裡面有紅蘿蔔同青豆，不過食落唔係好覺蘿蔔同青豆的味道。茶碗蒸有好多菇，底有一隻蜆。沙律同味噌湯正常發揮。荔枝豚肉卷 $35豬肉燒得有少少脆脆地，荔枝非常香甜，荔枝的甜味減輕了豬肉的油膩，又帶起咗肉味，一齊食好好食😋味一番 (尖沙咀)尖沙咀山林道22-28號*上述文章只供參考及以當時價格為準…查看更多

4年前誤打誤撞黎咗味一番食晚餐，當時都覺得係好食嘅。4年後因面書彈返當年今日嘅相片出黎，所以決定訂位再食，好開心食物質素冇令大家失望，同我印象中4年前一樣。刺身全部厚切，相比起其他價錢差唔多嘅日本餐廳，我會覺得味一番算係有良心😆自己本身超級無敵鍾意食魷魚刺身（比較黏口嘅質地）味一番完全合我心意🤤今日前後總共叫咗6份🤣中拖羅冇筋，入口即溶，同日本當地食嘅中拖羅比較唔會相差太遠海膽👍🏻👍🏻是晚推介生蠔（唔記得咩名堂）唔係好肥但夠Creamy , 好食熱食推介清酒煮蜆，火候剛剛好，蜆肉唔會韌。串燒推介燒羊架同牛脷。朋友話早兩星期試過串燒沖繩豬，好食，但今日我唔好彩，太多肥膏多筋又韌，失望。最後只食咗兩串就放棄。雜錦天婦羅，正常，唔會有驚喜特別好食是晚4人埋單$5000，有開一支$7Xx嘅清酒。…查看更多

今日愛上了和食🇯🇵😋中午和晚膳分別幫襯了兩間日本餐廳，兩間都好食。中午是我經常去食的餐廳，晚上到了尖沙咀山林道一間居食屋第一次光顧，食物水準高。壽司，魚生大大件又新鮮，魚生份量是飯團的一倍size。三文魚茶漬飯，很正宗，和日本的味道很相似。茄子味道是淡了少少，但是也是很細心去了外皮，軟綿綿的，而且上面有些木魚絲，點些少豉油食都還OK。 最後以芝士年糕結尾，芝士非常creamy, 外皮鬆軟，美味的一餐和食！價錢稍貴了一些，但也是物有所值的。…查看更多

今天是朋友生日聚會，這間是其中友人A的相熟餐廳，所以一早已安排一間房間給我們。雖然不是豪華，房內還有輕微“up”味，但星期五可以安排到，還算不錯。整晚的服務很好，食物味道就只可以說是很普通，不過不失，但價錢就真的貴到一個點，如我是遊客，我真的會懷疑自己被騙。其他食物我就不多說了，龍蝦去到哪裡都是海鮮價，我就不作評論，只能說新鮮的$1800龍蝦刺身。但這碟壽司收我$521，我就真係覺得好新奇囉！一件海膽壽司價錢是$168，但餐牌上面一碟3色或4色刺身才賣$16X, 我真的吃不出這件海膽壽司有什麼過人之處。吃完既comment 係，所有價錢都唔算平，味道普通，碟壽司就更加要比個射燈佢，顯示佢嘅價值連城。咁普通既日本餐廳都收咁既價錢，真係長知識，我都係去食返2000蚊個頭既omakesa 好過。…查看更多

味一番是朋友多年前介紹的。雖然唔係經常過黎食，但都會久不久想黎食下。今次主要食左刺身同串燒。飲左支清酒。最後加左煮蜆同炒菜。同朋友BOOK左7點兩位，大家都準時出席，食到9點左右。刺身是有水準的，因為是併盤，沒有特別的要求。 如果蝦刺身可以再大隻D會再加分。串燒燒得不錯。…查看更多

本身想去德成街一間日式cafe但遭到不禮貌對待，所以轉黎山林道即興入左「味一番」，結果發現非常高質&侍應非常有禮貌😇刺身非常新鮮，鱈魚肥美多汁，最後仲送左咖啡及柚子雪糕🍦一定會再來🥳🥳廚師推介：油甘魚腩刺身（肥美唔腥）蒲燒鰻魚lunch set 刺身lunch set 非常新鮮Lunch set 有前菜、沙律、味噌湯、茶碗蒸、白飯，仲有甜品仲有食左鱈魚lunch set(冇影相），魚皮煎得香脆，魚肉很滑，很好食😋，不過價錢少貴$248整體感覺非常良好，廚師在細節上也做得很好，侍應態度有禮👍🏼👍🏼👍🏼…查看更多