新曼谷泰國菜館

營業中

休息中

Lunchtime係灣仔覓食既時候無啦啦落大雨，唔想太頹食粉麵，又見到依間野近近地，午餐幾平，仲配特飲，於是就坐低左。一點半左右入座，鋪頭仲有幾多上班族食緊lunch。睇睇lunch menu，有飯有麵揀，唔想食大路果d冬陰公同Pad Thai，試一試個無咩聽過既香菜炒河，飲品方面可以配紅豆冰、龍眼冰之類果d，我就揀左椰汁西米冰。香菜炒河都幾有驚喜，雖然係XO醬炒，但唔會太辣，小蕃茄中和到d辣味，仲有好多配菜，炒埋一碟，辣辣甜甜幾豐富。至於椰汁西米冰就無咩特別，叫做合格。最後唔洗加一，55蚊埋單，食到正宗泰國菜，抵食！唯一挑剔既就係鋪頭燈光太暗，連碗野都唔係太睇到。