90s Lazy (先施大廈) (已結業)

用餐時間 | 星期六 18:00係一個好寧靜 好適合自己或同朋友一齊嘅地方店內有細枱 亦都有長枱 佈置都好有特色燈泡方面用左黃燈 所以個感覺好warm 好舒服‘點餐菜式：- 龍蝦汁帶子野菌扁意粉- 牛肝菌野菌意大利飯- 水牛城雞翼- 白桃梳打- 杞子薄荷玫瑰花茶‘意粉同意大利飯個份量都好足夠 但意大利飯有少少膩 好似不嬲意大利飯都係咁. .? 但整體上都好味的。‘水牛城雞翼一黎到嗰陣 以為店員比錯左 ((個外表好似炸雞翼 佢嘅醬汁唔係話好似平時食嗰種咁多的 // 好味的 推介推介。‘白桃梳打都係 唔會好甜好果精 落嘅份量剛好 重有杯凍飲係用大粒冰的。「用左紙飲管 加分的」‘杞子薄荷玫瑰花茶真係好出色 雖然都只係沖出黎 好似冇技術可言 但佢嘅份量又係捉得剛好 剛幾啖飲落係有薄薄嘅玫瑰味 浸耐左玫瑰味就愈黎愈出 連薄荷味都係 薄荷味係當你吞左落喉嚨之後先慢慢出來的 感覺好好。「一個好細嘅玻璃壺裝住茶包杞子薄荷葉 隔離跟一個細杯仔 細杯仔隔熱做得非常好 睇相就知」