影片
更多
2016-05-04
639 瀏覽
溫野菜...我都想去食左好耐，不過一聽到朋友仔話佢係尖沙咀店要排上兩個鐘先可以進餐，所以即刻刻卻步。今日老公放假，我地接左小小豬放學之後就出銅鑼灣行街街，係搵食之際，見佢地係銅鑼灣新左分店，所以就去食下啦~可能係新開關係，佢地嘅佈置都真係唔錯，周圍環境都好舒服呀~我地三口子俾安排嘅位置就仲正，因為係一間包廂，真係好有私隱度呀(其實係唔怕小小豬講嘢大大聲，影響其他食客呀)~最值得一讚嘅係房間內設有一個衣櫃，可以掛啲衫...袋呀入去，咁就唔怕啲衣服及袋會吸左啲味啦~ 唔好以為係房間就好冇人招呼，因為每張枱都有一個小顯示器，你想要咩服務就只需要按下，職員手上的接收手錶就會知道，佢地就會好快入嚟啦~ 先嚟叫左飲品先，小小豬嘅巨峰活乳酸梳打，佢一個人飲晒一杯就知係有幾好飲啦 老公嘅梅子青檸梳打，老公話個味都唔錯，好重梅子同埋青檸味得嚟又唔會好酸~ 我嘅溫野菜特飲，其實就係菠蘿特飲，整杯都好重菠蘿香味，入口感覺好清新呀~ 食物未到就先嚟兩個湯底，首先就係店員推介嘅欖橄藥膳湯底，唔好以為藥膳就一定係好重藥材味，雖然依個用上十二款藥材而成，不過一啲藥材味都食唔出，只係有好香嘅欖橄味，真係有啲驚喜~
今日老公放假，我地接左小小豬放學之後就出銅鑼灣行街街，係搵食之際，見佢地係銅鑼灣新左分店，所以就去食下啦~
可能係新開關係，佢地嘅佈置都真係唔錯，周圍環境都好舒服呀~
我地三口子俾安排嘅位置就仲正，因為係一間包廂，真係好有私隱度呀(其實係唔怕小小豬講嘢大大聲，影響其他食客呀)~
最值得一讚嘅係房間內設有一個衣櫃，可以掛啲衫...袋呀入去，咁就唔怕啲衣服及袋會吸左啲味啦~
唔好以為係房間就好冇人招呼，因為每張枱都有一個小顯示器，你想要咩服務就只需要按下，職員手上的接收手錶就會知道，佢地就會好快入嚟啦~
先嚟叫左飲品先，小小豬嘅巨峰活乳酸梳打，佢一個人飲晒一杯就知係有幾好飲啦
老公嘅梅子青檸梳打，老公話個味都唔錯，好重梅子同埋青檸味得嚟又唔會好酸~
我嘅溫野菜特飲，其實就係菠蘿特飲，整杯都好重菠蘿香味，入口感覺好清新呀~
食物未到就先嚟兩個湯底，首先就係店員推介嘅欖橄藥膳湯底，唔好以為藥膳就一定係好重藥材味，雖然依個用上十二款藥材而成，不過一啲藥材味都食唔出，只係有好香嘅欖橄味，真係有啲驚喜~
另一個就係完熟蕃茄湯底，真係超級香濃嘅蕃茄香味，小小豬當然係最鐘意啦~
枱上都已經有芝麻醬及柚子豉油，兩款醬汁供我地使用。雖然兩個味都唔錯，不過我都冇用到，因為兩個湯底都好夠味，所以唔洗點都已經好好食啦~
我地點左兩個餐再額外加上一個食物，先嚟就係我地另加嘅黑松露免治雞肉~
店員竟然話我地識食，因為依個食品只限香港店鋪先有，就連日本都未有得食呀~
估唔到個味又真係幾好食，雞肉內又包含住點點雞軟骨，所以咬落特別有口感，再加上肉質又好鮮，真係食四粒都唔太夠喉呀~
我地嘅主菜未到，就先嚟一個小食，薯仔拌魷魚沙律醬。雖然只係前菜，但味道都唔錯呀~
先嚟就係極上黑毛和牛定食~
嘩..A5和牛，老公見到都話好吸引呀~
仲有熊本豚腩肉~
仲有丹麥雞腿肉~
另一個餐就係松葉蟹和牛定食~
有澳洲M9和牛肩~
熊本豚腩肉~
同埋松葉蟹腳呀~
兩份定食都有烏冬、免治雞肉同埋野菜盒呀~
我地開餐啦，成枱食物好豐富呀~
老公緊係第一時間試A5和牛，佢話超滑身，而且肥膏同肉比例剛剛好呀~
M9和牛肩都一樣唔錯，肉質好嫩呀~
豚腩肉唔錯，肉質好嫩滑之餘，仲帶有一種鮮味添~
雞腿肉都一樣好食呀~
松葉蟹腳就食得比較"輪盡"，唔係唔好食，只係唔多習慣係街上食蟹...哈哈~
食得飽飽就仲有兩球雪糕做甜品~
睇下小小豬食得幾滋味~
不過，其實唔止小小豬，就連我地兩個大人都食得勁滿足，好少去日式打邊爐我地會勁飽咁離開，就連老公都大讚我今次冇介紹錯，真係帶佢嚟食好東西呀...呵呵呵！未離開餐廳小小豬已經問定幾時可以再嚟，仲話知道依家係可以訂位，叫我快啲打電話嚟訂位，咁佢又可以再嚟過呀(真係俾佢激C，平日又唔見佢咁留意啲告示...哈哈哈)！
張貼
