影片
更多
2024-03-20
461 瀏覽
呢排天氣好潮濕，突然今日吹北風，凍凍地，朋友提議去灣仔打邊爐，一於舉腳贊成😄餐廳位於駱克道一樓，主打東南亞風情，配合懷舊格調，非常有氣氛。我哋揀咗豐富嘅二人套餐：湯底～皮蛋芫荽湯底。小食～響鈴午餐肉，好香口。潮汕牛拼盤～有匙柄、吊龍、三花同雪花肥牛，各有各口感，完全唔韌，仲好有牛肉味添。厚切牛舌～同樣非常出色。海鮮拼盤～有蝦、蟶子同生蠔，非常新鮮，配埋餐廳嘅絕世混醬，令到海鮮更加鮮味。餃子類～我哋揀咗陳皮榨菜牛肉餃、韭菜餃同芫荽豬肉餃，各有特色。特別要讚吓陳皮榨菜牛肉餃，呢款餃子第一次食，真係好有驚喜。丸類～都有唔少選擇，例如蝦醬墨魚丸、手打牛丸同梅菜豬肉丸，味道特別又彈牙。蔬菜拼盤～店員特別提到，蔬菜是本地有機蔬菜，天天新鮮運到，所以特別有益。最後仲有～水雲麪，配埋超甜湯底，真係好好食。飲品方面～打邊爐梗係唔少得生啤同椰青啦。整體上，呢一餐食得好滿足，餐廳湯底和醬料同樣多選擇，而且食材新鮮好味，服務都好親切，有機會都會嚟食多幾次！
餐廳位於駱克道一樓，主打東南亞風情，配合懷舊格調，非常有氣氛。
我哋揀咗豐富嘅二人套餐：
湯底～皮蛋芫荽湯底。
小食～響鈴午餐肉，好香口。
潮汕牛拼盤～有匙柄、吊龍、三花同雪花肥牛，各有各口感，完全唔韌，仲好有牛肉味添。
厚切牛舌～同樣非常出色。
海鮮拼盤～有蝦、蟶子同生蠔，非常新鮮，配埋餐廳嘅絕世混醬，令到海鮮更加鮮味。
餃子類～我哋揀咗陳皮榨菜牛肉餃、韭菜餃同芫荽豬肉餃，各有特色。特別要讚吓陳皮榨菜牛肉餃，呢款餃子第一次食，真係好有驚喜。
丸類～都有唔少選擇，例如蝦醬墨魚丸、手打牛丸同梅菜豬肉丸，味道特別又彈牙。
蔬菜拼盤～店員特別提到，蔬菜是本地有機蔬菜，天天新鮮運到，所以特別有益。
最後仲有～水雲麪，配埋超甜湯底，真係好好食。
飲品方面～打邊爐梗係唔少得生啤同椰青啦。
整體上，呢一餐食得好滿足，餐廳湯底和醬料同樣多選擇，而且食材新鮮好味，服務都好親切，有機會都會嚟食多幾次！
張貼
