燒肉の牛太・本陣 (創紀之城五期(apm))

營業中

休息中

都唔記得喺第幾次來到本陣食燒肉，每次都好滿足，但係食完又好內疚，因為每次都係食放題，每次都食到捧住個肚走，美味既肉瞬間轉化成身體上可惡嘅肉。 所以今次我決定改食新嘅套餐定食。上級牛肋肉燒肉定食，肉嘅質素一如既往，鮮嫩好味，哩樣唔多講。重點係係放題一定唔會食既野，放係套餐，先會令你知道以前錯失左幾多美味嘅配搭。 🍖喺度有自助沙律吧，無論食飯之前，定係食到半路，佢嘅蔬菜同埋泡菜，絕對可以做到開胃又清新嘅感覺。 🍖一直以來都知道牛肉同飯喺絕佳既配搭，白飯會中和油膩感，牛肉嘅脂肪，又成白飯既醬汁，倍加飯既香軟。但係放題又點會突登叫個白飯吖，套餐既份量就啱啱可以配到。哩度不得不提嘅係佢有個奇跡嘅燒肉粉，哩嗰來自北海道嘅調味料，食落竟然出奇地好味，其實都有少少似孜然粉嘅感覺。 🍖除左燒肉，平時一直都好想飲既辣海鮮湯，終於都可以叫。湯底嘅難道啱啱好，而且湛入左海鮮嘅鮮味，加上有豆腐同菇類，我直頭將個飯倒落去做湯飯。 ✨️有套餐同放題可以揀，我就可以隨住心情，仲有一齊去既朋友，隨時轉換我嘅選擇。