影片
更多
2023-08-30
491 瀏覽
老媽拌麵 Mom’s Dry Noodles 📍北角渣華道123號北角匯二期1樓109號舖呢日放工約咗朋友去北角睇下玩具開倉，專程迫地鐵嚟，點知空手而回，難免有少少失落。但失落還失落，肚餓都係要食嘢嘅，所以我哋去咗附近嘅北角匯睇下有無嘢啱食。商場裏面都有好多選擇，例如日本沾麵、烤魚乾鍋、任食火鍋等。今次我就想試下成日都見嘅老媽拌麵，睇過餐牌都覺得嘢食好啱我口味，於是就決定嚟度食晚餐。 💰$288大滿足二人套餐 👩🏻❤️👨🏻我哋入到嚟餐廳，覺得環境好舒適，有唔少室內植物，我哋坐嘅地方係靠牆嘅二人檯，感覺頗有私隱度。我哋叫咗呢個大滿足二人套餐，有隨機前菜兩款、一款台式小食拼盤、兩款主食、兩杯飲品同兩杯甜品。當然大家可以加錢升級特色飲品甜品，但我哋就覺得本身指定嘅飲品甜品已經好夠食，所以無加錢升級或加配。隨機前菜 肉鬆豆腐 🍽️前菜係兩嚿細細嘅肉鬆豆腐，喺雪凍咗嘅豆腐上面淋上醬油膏，再灑上甜肉鬆，滿滿台灣風味。味道唔錯，但份量比較細，只能淺嘗。台式小食拼盤 路邊攤小吃拼盤 🍱呢個路邊攤小吃拼盤有澎湖花枝丸、台灣烤香腸同豆乳香香雞，每款口味都唔錯，其中以台灣腸味道最出色，最有台灣味；而最特別嘅
📍北角渣華道123號北角匯二期1樓109號舖
呢日放工約咗朋友去北角睇下玩具開倉，專程迫地鐵嚟，點知空手而回，難免有少少失落。但失落還失落，肚餓都係要食嘢嘅，所以我哋去咗附近嘅北角匯睇下有無嘢啱食。商場裏面都有好多選擇，例如日本沾麵、烤魚乾鍋、任食火鍋等。今次我就想試下成日都見嘅老媽拌麵，睇過餐牌都覺得嘢食好啱我口味，於是就決定嚟度食晚餐。
[價錢 Price]
💰$288
大滿足二人套餐 👩🏻❤️👨🏻
我哋入到嚟餐廳，覺得環境好舒適，有唔少室內植物，我哋坐嘅地方係靠牆嘅二人檯，感覺頗有私隱度。我哋叫咗呢個大滿足二人套餐，有隨機前菜兩款、一款台式小食拼盤、兩款主食、兩杯飲品同兩杯甜品。當然大家可以加錢升級特色飲品甜品，但我哋就覺得本身指定嘅飲品甜品已經好夠食，所以無加錢升級或加配。
隨機前菜 肉鬆豆腐 🍽️
前菜係兩嚿細細嘅肉鬆豆腐，喺雪凍咗嘅豆腐上面淋上醬油膏，再灑上甜肉鬆，滿滿台灣風味。味道唔錯，但份量比較細，只能淺嘗。
台式小食拼盤 路邊攤小吃拼盤 🍱
呢個路邊攤小吃拼盤有澎湖花枝丸、台灣烤香腸同豆乳香香雞，每款口味都唔錯，其中以台灣腸味道最出色，最有台灣味；而最特別嘅就係豆乳香香雞，我第一次點腐乳食炸雞咋！呢個路邊攤小吃拼盤有澎湖花枝丸、台灣烤香腸同豆豆香香雞，每款口味都唔錯，其中以台灣腸味道最出色，最有台灣味。
私房花鵰雞拌麵 🍜
面類主食，因為朋友唔想食太多炸嘢，所以揀咗人氣花鵰雞。嚟得老媽拌麵，就梗係要試吓佢嘅拌麵啦，佢哋主打手工日曬關廟麵，麵條以日光曬乾，無添加防腐劑，所以食落好Q好彈牙。為咗可以更掛汁，我哋揀咗比較粗身嘅關廟刀削麵，口感的確好好，但拌麵凍得比較快，建議大家食嘅時候唔好攤得太耐。主打嘅花雕雞勁入味，雖然同想像中好多湯汁嘅花雕雞唔同，但呢款雞肉嘅花鵰味好香，帶骨嘅雞肉亦好滑嫩，十分值得一試！最重要係要食佢嘅杞子，真係非常香，好好食！
乾煸四季豆甜不辣鍋 🍲
飯類主食，我哋揀咗呢個四季豆甜不辣鍋，佢嘅酥炸甜不辣非常煙韌，略帶魚肉甜味，而且份量都好多，食多幾片都唔會濟；乾煸四季豆入味但唔油膩，兩者一般都係做小食居多，估唔到放埋一齊做主角都唔會失色，係一個幾新奇嘅配搭。
飯餐會配上珍珠飯一碗，米飯口感飽滿但飯面有少少硬同唔夠熱，可能係𢳂起咗一段時間，可以改善一下會更好。
朱古力/草莓醬雪糕 🍫🍓🍦
跟餐甜品係兩球Dreyer’s雲呢拿雪糕，我哋分別揀咗朱古力醬同草莓醬，每杯雪糕上面都拮咗一支迷你手指餅同一塊迷你Oreo，成個配搭食落就好似連鎖快餐店嘅新地咁，唔使額外加錢嚟講都算唔錯。
飲品唔太特別，所以就無影到，但免費加配嘅選項都有好多，而且凍飲都唔洗加錢，總括嚟講呢個套餐都好經濟實惠。
張貼
