元気寿司 (始創中心)

營業中

休息中

太子行街，始創入面都唔知食乜好，我最鍾意食壽司㗎喇，所以好順理成章去食元氣，呢間由街舖搬入商場一排了，不過平時好少過來，所以第一次入來食。舖面好新，入到去都有幾多位，及見到個位置都有平板menu, 心諗我真係大鄉里，從未見過。坐低見到原來呢間唔做一般嘅迴轉，係用鐵路原理送壽司到你面前，見到嗰刻真係覺得好過癮，仲有一大好處，壽司即叫即做，好新鮮，唔會喺迴轉帶上轉成個鐘都無人要，浪費食物，真係覺得呢個係好正嘅做法，讚讚讚送到面前，個平板會響來提你攞嘢食攞完要㩒個元氣logo制，架列車先會番去這些高速店嘅限定壽司，今次點咗2款葱吞拿魚腩新卷燒鏗魚配柚子胡椒，真係好有柚子味，鍾意柚嘅就真係要試下喇。