井茶

營業中

休息中

非常地極度唔抵，早幾年啱啱開嘅時候質素非常唔錯，而家簡直不知所謂。今日見到佢出邊寫個紙牌有個虎年賀年餐「外賣價錢$168 （堂食$188 ）」，包三個餸，諗住好抵咁樣，但係俾錢嘅時候就話外賣盒要另外再比$4 ，即係$172 ，咁你就唔好寫「外賣$168誤導人」，一開始寫$172根本就好地地。個餐入邊，明明包半隻雞，返到去，根本嗰度就冇半隻雞，搵嚟搵去都搵唔到一隻完整嘅雞髀同埋一隻完整嘅雞翼，雞肋骨就有好多舊。個金菇肥牛煲，份量極度細，少少幾小片牛肉，另外加一大鍋水汁，粉絲同金菇都孤寒，最正常得返個四季豆同兩碗飯。