井茶

營業中

休息中

平日5點幾到店外賣，店內大約十幾個人食野，諗住好快有得拎啦，最後等左大約半個鐘。當時只有2個人叫外賣，等了大約24分鐘我前面的號可以取啦（有人叫號），但到我個份出餐時只放在枱面，沒有人叫號，如不上前去看又不知等到何年何日。之前都會去食幫襯，但今天遇到這些事情，令人卻步，唔會貼錢買難受。唔好以為店內食野會比較好，上次幫襯，正常點餐啦，店員出左單就睇下啦，點知對對下無啦啦加左$4兩個外賣盒既價錢，即刻叫佢改返，岩岩入黎食野咋，咁快要你哋D外賣盒做咩？

南昌食店選擇唔多，食物質素一般都唯有頂住當食，員工成日貪客就將少數既食客左趕右趕，每朝短短十多分鐘既早餐都食得唔安樂，感覺極差，而員工成日有爭執吵鬧，再方便都要放棄！！！

第一次想食評，唔好意思因為太嬲所以寫多咗我哋一家一星期都幫襯兩三次，今次我真係有啲嬲，今日我兩母子大約晚上八點去到打算食晚飯，今日情人節，你哋啲安排真係非常差，你哋都係一般屋邨茶餐廳咋！有個侍應話你哋兩位要搭四人枱，其實我都冇乜所謂，搭枱係同一個伯伯，個伯伯都有啲大隻，我都唔好意思坐落去，咁我就話等一陣間，之後有個侍應喺角位話有張二人枱叫我哋坐嗰度，咁我哋坐低咗諗住準備叫嘢，有個女侍應望到我隔離張四人枱坐咗個男仔差唔多食完，問佢係咪一個，個男仔話係，個女侍應轉頭又走過嚟同我講你未叫嘢調去四人枱，佢話有個六位客人一陣間入嚟，我心諗我想等二人枱先等陣間才入座，個女侍應又冇乜禮貌，好似命令我要調去四人座，跟咗我就同佢講唔使喇！我哋去太興食，畀我感覺人少嘅就唔係客人，我覺得如果你要留位畀多人嘅，就唔好叫我哋入座，你有禮貌少少我都會考慮轉位。坦白講你哋小菜都唔係特別平，太興都係貴少少，服務質素同食物質素高你哋幾班，食餐飯都開心啲。除咗晚市，已經一段時間冇嚟食早餐，你哋啲意粉同通粉嘅口感好粉，一啲都唔好食，但我好欣賞你哋早更位男同事很努力，安排座位同服務都很好，晚間員工真係要多多學習！

之前食過這食店的下午茶，感覺一般，上次是星州炒米 。今次試吓晚餐，貴少少叫個牛柳。等了些時間，終於來了。極度失望，因為店員一放下，我就已經嗅到很重的醃肉味，我叫七成熟，但來的是全熟的，不會靭，不知是否有重手的鬆肉粉，用匙也能弄開肉，這不是什麼西餐廳，但一百零八元啊，但比茶餐廳早餐的薄牛扒更差，我只好食意粉吧！因為不論氣味和肉質，實在差到食不下。意大利粉濕濕過軟，汁也只有鹹味。非常後悔再給這店機會。不明還有人光顧，看一看，全點中菜。難道中式小菜會好啲？

唔齊人唔比入時有聽聞，入咗坐低5分鐘未齊人叫起身就真係第一次，香港食肆嘅服務態度有今日呢個［美譽］同食肆有今日咁嘅境況都係多謝類似呢間嘢嘅貢獻，完全感受到之前Monkeyhmk評論中嘅體驗，相信都冇乜機會評論呢間嘢嘅食物，因為唔會幫襯，亦會叫朋友唔好幫襯。其實已經冇乜評論可以寫，但由於Openrice要寫夠200字先比評分，為咗婊揚呢間嘢嘅服務，唯有湊夠200字，浪費咗大家嘅時間真係十分唔好意思。

好濃郁🍅餐肉粒鮮茄濃湯全日特餐🍽餐肉粒,鮮茄濃湯通粉 $52火腿炒蛋,厚多士(半份)這巳經吃多次，湯底又酸又濃，有蕃加茄羅宋湯味，餐肉粒粒厚切又多，口感豐富，回味無窮😋👍鮮茄牛魔王焗飯 $64上面有一層厚厚嘅芝士，鮮茄🍅，牛腩，牛脷和牛柳粒，飯好入味。這個也是店內皇牌焗飯，但始終焗飯製作時間比較長,要比D時間等下😐套裝跟凍檸茶🥤凍奶茶🥤Total $129屋村親民茶餐廳，價錢優惠， 座位 寬敞📍深水埗南昌薈地下G24號舖

今日我和家人 玩咗一日 好攰。 我呀媽唔想煮飯 。 我哋就去咗井茶嗰度食飯。叫咗三個餸五個人已經食到好飽。嘅份量好多， 每個餐都有一杯嘢飲。 好抵食!🤩🤩🤩🤩蜜糖薯仔牛柳粒:好香啲牛腩粒唔算銀，薯仔炸過外脆內軟!😋😋甜甜地好食。🤩 土魷蒸肉餅:好多土魷好食!🤩🤩肉餅下面有好多肉汁。芥蘭炒臘味:炒得好香仲有落埋啲西芹去炒非常惹味， 臘腸同潤腸水準正常， 但係啲臘肉有少少噏味。😋😋👌🏻👌🏻整體上可以， 可以是平時唔煮飯嘅飯堂。

今天早餐叫外賣，本來也沒預算有什麼好吃的早餐，但在外賣程序看到這店的早餐居然有 丹麥酥，令我突然想再嚐嚐丹麥酥的口感，所以，二話不說，加 $6 把牛油多士改成丹麥酥，但外賣送來，滿心期望變失望，看到的是牛油多士，電話商店問，說是同事搞錯，叫我上傳照片退錢，照片上傳，居然說那是 丹麥酥？還說他們丹麥酥是這樣的。當客人白痴嗎？為了不想退回$6便指鹿為馬，太氣人，大家千萬別上當，有圖為証。

交收完到咗南昌薈的井茶食個下午茶，餐牌都幾多嘢揀，價錢都唔貴。⭐日式雞扒炒烏冬叫咗個炒烏冬，賣相ok，上枱時熱辣辣都有炒過嘅，仲諗住會有塊雞扒，但嚟到就見唔到啦，食咗幾啖烏冬，見到下面有幾舊雞球雞肉咁嘅樣，應該就係所謂嘅雞扒。烏冬望落好深色，但食落其實冇乜味，加咗一包辣椒油感覺好啲啦。⭐熱檸茶正正常常嘅檸檬片加熱紅茶，而家啲茶餐廳仲會畀珍檸檬係咪要感恩？😂咁嘅價錢ok啦，冇乜招呼亦唔會趕客，一試無妨。

今日是時候去南昌站了。大家如果有看過我之前寫的食評，便知道我鍾意不時會回詢之前去過的食市。而今次便是看看這裡和之前去時有什麼分別了。（果然有分別了）上次食過這間，感覺良好，所以都會再來的。今次食招牌咖哩牛腩飯加太陽蛋。咖哩汁有層次，有加不同的香料，不錯不錯 而太陽蛋方面，有相有真相，大家見到的。想不到的是今次食的飯我反而有一點想寫，我平時食開不是金象便是袋鼠米，所以不會太多意見。但不知為什麼，飯有一種食到渣的感覺，奇怪，奇怪。

炸西多士麵包磚配炸雞髀西多士麵包磚外脆內軟，甜味適中，牛油配蜜糖🍯，搭配炸雞髀，雞肉外脆內嫩🍞🍗 金黃香脆，色彩對比鮮明，令人忍唔住想即刻品嚐。🤤💛四十零蚊食到個茶餐，呢個份量其實當晚餐都得啦🤣。

平時星期六都會喺番美孚食早餐，不過，今日就跳出美孚，嚟到長沙灣，因為陪老婆拎啲電器去深水埗嘅「綠在區區」收集站，所以，就喺富昌邨街坊商場「南昌薈」搵食，十幾年無落到咁深嘅位置，已經又唔同晒。晌個商場上下兩層兜咗一個圈之後，原來呢度都有幾多食肆，不過，都喺茶記「井茶」最啱我哋心水。餐廳採用開放式鋪面，所以，喺外面都睇到晒裡面喺點，地方都幾大，裝修光猛，樓底有夠高，仲有揀呢間嘅原因喺因為見到比較人氣啲，同埋最鍾意喺二人枱相對多，可以減少搭枱嘅風險。早餐有4大版，選擇非常之多，平貴都有，豐儉遊人，而呢度落單比較傳統啲，就喺搵侍應手寫落單。餐紙、簡單調味包已放咗喺枱面，餐具就喺旁邊嘅拉櫃中，都喺茶記嘅慣常設定。香煎豬扒米餐 $39雖然老婆喺偏素者，不過，偶爾都食吓肉，頂多喺一星期食一次，佢近期就比較想食炸豬扒，所以揀咗呢個大碗香煎豬扒米粉。雖然佢個餐只得一碗米粉，但份量幾足，有兩大件炸豬扒，而且，醃得夠入味，炸得夠香口，咬落又鬆化，而米粉亦都無過硬或過腍嘅問題。皇牌沙嗲牛肉麵餐 $42小弟就繼續試唔同茶記嘅沙嗲牛麵，而呢個餐都幾抵，除咗一大碗沙嗲牛肉麵之外，仲有火腿、牛乳炒滑蛋配牛油厚多士。啲

金磚西多士配邪惡炸雞髀🍗$43，加$3凍檸茶都係$46！抵食得嚟都好味！！先講炸雞髀，肉質嫩，醃得夠入味，炸嘅程度都適中，外皮脆卜卜，係有少少肉炸得太乾，但都可以接受。金磚西多士正常發揮，個蛋漿炸得幾好，唔會炸過龍。檸茶仍然有新鮮檸檬，相比所謂冷壓鮮檸檬汁，新鮮檸檬無得輸，但個茶底麻麻哋，雖然唔澀，但就無乜茶味。餐廳環境就舊啲，所以都顯得唔夠乾淨，不過茶記嚟講都ok啦！服務方面，安排入座同點餐都快，雖然自助拎水，但店員見我想要水，都主動拎畀我，幾好👍🏼

第一次去，見門面唔錯諗住試下，一個人去攞位，當時午飯時間，餐廳內都多人既，但仲有幾枱空枱，外面冇其他人等位，個四眼收銀阿姐問我幾多位，我話4位，咁佢帶我入去，行到半路佢指住張圓枱示意坐呢張枱，但同時又問我人到齊未，我話另外三位剛剛泊完車行緊落嚟，我心諗佢一直都係見到我一個人，點解佢一早唔問？我答完佢，佢就冇反應，自己行返出收銀位置，咁我咪問佢係咪未人齊就唔入得？以為佢聽唔到，我再問，如是者我問咗三次，佢企返係收銀位完全一眼都冇望我，唔答我，我真係要爆喇，我話：未人齊唔入得咪出聲囉，呢度大把餐廳，我可以去第二間食，唔洗受你氣成個過程發生咗大約三十秒，我離開餐廳時剛好另外三位都嚟到，我哋即走。呢個時勢仲係呢啲咁既服務態度，執粒真係有原因㗎

呢間野越嚟越難食。個咕嚕汁好似純糖漿咁，甜到喊。件魚柳一咬落去，唔講我知係魚，我真係以為食緊猪扒，又硬又柴，仲要攝牙罅😵‍💫仲要34度氣溫下，完全冇冷氣。真係搞唔掂。。。真係唔會再返頭食。。。。