銘興山西刀削麵 (厚福街) (已結業)

銘興刀削麵開到尖沙咀都有，好興奮呢厚福街的店其實都幾大，坐得幾舒服最重要係抵食性價比高，-豬軟骨 溫泉蛋木耳刀削麵套餐大件又炆得入味的豬軟骨啖啖肉，我喜歡。湯底都唔會死咸，一大碗好味過癮又抵食。-花雕醉雞熱拌刀削麵一上檯就見到鋪滿碗面的青瓜絲、蒜泥、芫茜、花生及蔥，一拉起刀削麵，口感一流，帶微微熱度，最重要不會過淋，又帶有點點麻醬味醉雞都入味， 有酒香但又唔會太咸，雞肉肉質嫰，雞皮都爽口，仲有醉蛋 蛋黃都好食。-另外仲叫左兩款小食脆脆春卷即叫即炸一口size脆卜卜。麻辣牛展牛展切得薄身，肉質口感帶點點韌度，但食落味道鮮美。