臺坊 (香江大廈)

營業中

休息中

餐廳地址好fit 放lunch 哪時候黎食，又近地鐵站，又近灣仔必經嘅天橋。雖然食嘅時候係下午茶時間，但係餐廳都keep 住有人入黎食。出餐速度好快，依到落完單，嗰頭就杯野飲黎啦。餐廳都有好多唔同種類嘅麵呀、飯呀、湯麵呀等，連藥膳面都有！跟餐可以有個加$8嘅特飲，都幾扺。鹽酥雞肉燥拌麵$65麵量都好多。麵嘅質地似米線，煙煙韌韌咁樣。鹽酥雞粒份量好多，每一粒都係bite-size ，好方便一啖雞一啖麵咁食。鹽酥雞嘅炸衣夠輕薄，食落去油膩感唔會好重，個口冇成啖油。雞粒醃得好入味，口感又酥脆。百香果蘆薈綠茶 +$8飲品唔會太甜，飲落去酸酸甜甜咁，好開胃。飲到蘆薈粒都好多，每啖都飲到。