影片
更多
2013-07-30
908 瀏覽
這餐廳位於中環威靈頓街的「The Loop」，由蘭桂坊方向轉入街口，經過翠華之後再行多十米左右就可以見到果棟銀座式大廈，非常易認。餐廳前身係一間日本餐廳，印象中記得口碑認真麻麻，艱苦經營左好一段日子後都係頂唔順離場走人。Anyway，由於呢度 lunch time 12:50pm之前離坐會有八折，加上唔接受booking，只可walk-in（重要人齊晒先入得添），所以是日未夠12點去到已經幾乎全場滿座。以中環12點 lunch time既norm（股市收十二點）黎講真係非常少見！Menu方面設計得非常精美，好似一份報紙既頭版咁，然後再將D內容（即係餐單）放入去，好明顯睇得出喺設計上面落左心機，值得抵讚！海南雞飯套餐︰Portion比想像中大，海南雞切好上碟後仍然有超過十舊，以set lunch黎講算係非常唔錯。一如預期，D雞一入口已經食得出係雪藏野，但係肉質卻出奇地好，食到肉既纖維之餘，雞皮亦都非常之滑不溜手，好似入口即溶既感覺咁好正！而海南雞飯既「必備三寶」調味料應該係「來路貨」，唔似係自家製出品，不過都倘算不過不失，above average啦！至於個盅裏面既例湯，D冬瓜煲得好腍好
Menu方面設計得非常精美，好似一份報紙既頭版咁，然後再將D內容（即係餐單）放入去，好明顯睇得出喺設計上面落左心機，值得抵讚！
海南雞飯套餐︰Portion比想像中大，海南雞切好上碟後仍然有超過十舊，以set lunch黎講算係非常唔錯。一如預期，D雞一入口已經食得出係雪藏野，但係肉質卻出奇地好，食到肉既纖維之餘，雞皮亦都非常之滑不溜手，好似入口即溶既感覺咁好正！而海南雞飯既「必備三寶」調味料應該係「來路貨」，唔似係自家製出品，不過都倘算不過不失，above average啦！至於個盅裏面既例湯，D冬瓜煲得好腍好入味，索左D湯水之後令到D肉味可以完全入晒D瓜既裏面，正！不過，除左雞味之外，味精亦都好似比較重手左少少，味道偏鹹。唯一要批評既係個白飯，唔係用傳統既油飯之餘，白飯既飯粒亦都只係用上一般既平價貨，有D失望！
薏米水係跟餐既，亦都可以加錢轉椰青(+$25)或者其他+$10-$15不等既餐飲。味道方面算係非常正宗，唔會太甜之餘，薏米亦都煮到腍腍地非常易入口，好煙韌爽口，口感非常唔錯。甜味方面雖然比一般薏米水相對甜左少少，但絕對可以接受，唔會好似坊間一般平價貨，求其落左一pat糖水「甜到嘔」咁！
新加坡喇沙套餐︰個portion相對較細，只係比「土司工坊」一流既size大少少，女仔都可能夠食，但男既話就可能差少少。不過，味道卻超乎預期，喇沙個湯煮得非常入味之餘，材料亦都十分跟足正宗煮法。蝦、豆腐、蛋同埋札肉絲等等既材料都落齊，只可惜麵質方面非常差勁，唔單止唔係用正宗喇沙材料之餘，用料更加只係「譚仔」之流既米線。可能因為煮得太耐既緣故，麵入口既時候腍得濟，好似一pat野漿住晒個口咁，有D失望！
總括黎講，整體食物質素唔錯，只係選擇唔算太多，同埋份量偏少。如果可以加錢，再叫多D跟餐小食或者甜品既話咁就更加perfect喇！
張貼
