石磨樂豆

營業中

休息中

Jollibean近期越開越多分店，係間來自新加坡嘅品牌，每日石磨鮮製多款豆類產品，有賣多款健康又創新嘅食物！間中仲會出期間限定款，揉合香港地道特色風味，竟然係餐牌上見到川貝枇杷膏豆腐花，真係夠哂創新！🔻蝶豆花茉莉豆乳凍 $24使用蝶豆花制成，粉嫩藍色好夢幻，食落有陣陣茉莉清香，質感輕盈口感不錯🔻三色芋圓豆腐花 $32豆腐花份量都幾大杯，面頭鋪滿四色芋圓，粒粒煙韌有口感，豆腐花豆味突出又嫩滑🔻桂圓桃膠豆乳 $42 豆乳味好濃郁，桂圓桃膠滋潤又養顏，女士最愛，份量都俾到足，每啖都飲到🔻奶蓋芋泥小丸子芋泥份量多，啖啖都飲到芋頭味，加上配料有煙韌小丸子，令口感更加豐富