洋食商店 (喜遇)

營業中

休息中

鍾意打街機又想打卡😆又想感受日本風兼想帶埋愛寵邊食串燒邊飲啤酒嘅朋友 呢間洋食商店絕對岩晒你！呢間餐廳每個角落都滲透著昭和平成風，除了有街機，仲有特色零食販賣，已經值回票價🤩二話不說叫了一個招牌炊飯2人set，抵食又唔洗諗。佢呢度有首創嘅迷你三黄雞香蔥炊飯，製作需時，香菜伴隨著日本辣椒絲的雞，配以香濃又creamy的飯，重口味道，夠晒2人食，。串燒拼盤也是我的不二之選，共有5串，其中一串係焦糖菠蘿，佢表面灑上鹽，酸帶甜，甜中帶咸，仲有雞翼、冬菇、蝦同秋葵樣樣都得 排例得好整齊。另外仲有雞皮餃子🥟，焦脆香的雞皮包著肉汁甚豐的豬肉碎，再沾上沙律醬，正是我心中追求的味道😍野食食完仲有2杯飲品，我要極力推薦！手搖冷泡水果茶同佢呢度嘅招牌雪糕特飲，真係好好飲，平時好多餐廳只係有樣無料，今次真係飲得Passion Fruit 熱情果與茶味的完美融合，黃金比例的茶與甜度控制是多麼的重要。來到甜品—係愛玉啊哈利，就是愛玉甜品，一啖啖啫喱柚子清清地，把口中的所有味道一掃而空。