大戶屋 (已結業)

今晚去開荔枝角AEON買野，咁順便食埋晚飯。呢度有幾間食肆。比較完一輪，決定去呢間大戶屋食日本定食。呢間大戶屋夜晚好大機會都要排隊，所以建議大家早D黎等位，我今次就等左大約10分鐘。大戶屋主要食五花腩同炸滑蛋豬扒，因為我覺得佢地整得唔錯。同埋留意番佢地係用日本米，我覺得幾好食，而且可以添飯一碗。味噌醬煮吉列雞扒/豬扒定食 ($104/$117):  叫左兩個味噌醬煮吉列系列，我喜歡豬扒多啲，豬扒厚，多汁，再配合味噌醬及半熟蛋，非常好味! 不過味噌醬有點濃，如果你唔太喜歡濃味的話，可選有一個係冇味噌醬。滑蛋吉列豬柳配凍蕎麥麵: 呢個餐很有彈性，除可以配凍蕎麥麵之外，可選熱蕎麥麵或冷熱烏冬，同埋份量非常多，十分滿足五花腩定食：首選推介，佢燒得五花腩唔會太燶!味道唔太咸，正!