明記甜品 (已結業)

因為有不少朋友在東區工作嘅關係，所以大家耐唔耐都會去東區附近食飯，今次就同朋友食完飯之後，去了附近一間有名嘅甜品店食番一個飯後甜品。甜品店內環境舒適，好啱同朋友食完飯後一齊食糖水同吹水。餐牌內有多款甜品選擇，榴連類、水果類、心太軟或傳統糖水都可以選擇。鮮什果喳咋推介糖水，首先賣相色彩繽紛，甜品睇見都想食，而且佢個水果亦非常新鮮。特別佢嘅芒果真係好甜好新鮮，而喳咋就非常足料，而且整體唔會過甜真係唔錯。朱古力心太軟配雲尼拿雪糕心太軟即叫即焗，心太軟切開果陣仲會有流心效果，而熱辣辣嘅心太軟配上冰凍嘅雪糕一齊食超級滿足。桑寄生蓮子蛋茶去到最後當然唔少得，平時都好鍾意食中式糖水，今次叫咗呢個蓮子茶相當滋潤，內裡嘅蛋同蓮子水喉剛剛好唔會好硬，而整體明記甜品啲糖水都相當出色。