火鍋撚 (雲明行) (已結業)

是日晚上，約咗一眾好友收工去打邊爐，早於3年前聽過「火鍋撚」個名，事關當時踢嗰支球隊心口贊助商正正就係印住火鍋撚。之不過我就一直都未試過，係直至佢開分店開到去中環，我就終於都可以一戰！先講環境方面，地方夠大，坐得舒適，打邊爐最重要嘅當然係冷氣要夠凍，如果唔係食到成身汗你都唔會想食啦！所以呢度嘅環境係真係好適合一班朋友，同一家大細。湯底就嗌咗兩個，酸菜白肉同皇牌蜂巢豆腐白湯，酸菜醃得好入味，我最鍾意就係將蕃茄，粟米同蘿蔔呢種好爽味嘅食材放入湯底等到最後先食，真係好正！至於豆腐白湯就充滿藥材味，又有鴨血，非常之補！餐牌方面，有各式各樣嘅火鍋食物，仲有刺身、點心同生啤，價錢唔算得上係平民，但亦唔會話好貴，因為用料方面係真係比較高級，絕對值呢個價！飲品就有好多款沙冰選擇！A4和牛，牛肉味好重，雪花分佈平均，肉質鮮嫩，食時記得唔好淥太耐，始終靚牛肉淥到太老就無晒味響鈴亦係值得推介，即炸所以好脆，皮唔會太厚，點甜酸醬即食又得，浸落湯底度食亦可四寶餃餃拼盤，不得不讚，因為真係好足料，平時成日食嘅都係好細隻，但係呢度嘅餃大隻得嚟又好食甜品方面每人送咗一杯腐竹沙冰，甜得嚟唔會漏，食完熱嘢再整返杯冰凍甜品