明明館

營業中

休息中

好少去土瓜灣, 因為眼科醫生搬了, 今早要驗眼，都要去呀！攪了大半朝，又係午飯時間到，見到呢間用卡通豬做裝飾，幾得意就入左去。店舖細小， 要同其他人搭枱。門口彈牙素餃好吸引， 但覺得鮮蝦韭菜水餃 是更佳選擇， 加四元有飲品， 叫了熱豆漿。豆漿先到， 熱騰騰又夠大杯， 可惜過甜， 要求比多杯清水。麵份量唔少， 湯底奶白色， 鮮甜美味， 有蔥花、芹菜、生菜做配料， 水餃自家製，餡料多脹卜卜， 好好食， 碗底仲有大頭菜粒， 有咬口感。麵條熟度剛好， 條理分明，沒有糊口感覺，普通一餐都有意外驚喜。結帳都是39元， 將來地鐵通車要再嚟食過！