手拉麵小廚

營業中

休息中

今日去新蒲崗探朋友，探完朋友之後問佢新蒲崗有咩好食，佢就提議新蒲崗有一間好出色嘅拉麵小店，強列建議我去試擔擔麵，話非常非常惹味 ，佢講到咁好我當然要去睇下係咪真係咁好食啦。一日到舖頭門外，佢門外有一個玻璃可以睇到個廚師喺度整麵，或者包小籠包，我地今次非繁忙時間，唔使等位，入到去發現鋪頭都係一般小店咁嘅裝修模式。（如果繁忙時間記得早d去，因會好多人）。 好難入正題，呢次我點咗一個豬扒擔擔麵，叫完等一陣就會上枱，未食之前照舊呷一啖嗰個湯 ，花生味唔係好濃帶微辣，豬扒都幾大舊，份量足夠，當食面嘅時候你會發覺啲麵有粗有幼，，證明佢係現場手拉，唔係機器做嘅。總括嚟講，豬扒好食，個湯好味，個麵夠彈牙。 唯獨好似鹹咗少少，如果大家有時間去開新蒲崗記得試下幫襯呢一間小店啦。