鋿晶館

營業中

休息中

🉐自家製品牌🉐所有點心現場即點即做🉐師傅曾任職多間米芝蓮食肆及大型連鎖酒樓活拆生剝鮮蝦腸🦐🌯隻隻蝦都好新鮮，爽口又大隻，腸粉厚薄適中，粉漿磨得好幼滑，相信其他腸粉都應該一樣咁出色，推介！百吃不厭鹹水角🥠鹹水角嘅糯米部份好軟糯，同平時食到比較硬嘅口感唔同，餡料分量都唔少，而且食得出係即叫即炸，熱辣辣！雪山又燒包🥧好食！好好食！超好食！平時食開某一間點心店嘅雪山叉燒包已經覺得好食，竟然一山還有一山高，外皮部份超級鬆軟，而且好出眾嘅酥皮香味，入邊叉燒餡料分量超多，醬汁濃郁！蟲草花螺片燉雞湯🐣🍲平時屋企唔多煲湯，所以出去食飯都鍾意嗌燉湯飲吓，加上幾乎每一張枱都起碼嗌一款燉湯，我揀嘅呢款，雞湯清得來又有螺片帶出湯嘅甜味，飲完老火湯都覺得好滋補。大良薑汁雙皮奶🫚🍮估唔到點心店嘅甜品都整得幾出色，雙皮奶甜度適中，再加上輕微嘅薑汁中和返少許嘅油膩感。