很得輝 (金滿閣)

營業中

休息中

之前同事成日講話呢間嘅炸髀好出色，而媒體又有介紹過呢間，於是就試試佢嘅招牌炸髀同磨菇飯！炸髀+磨菇飯連飲品 $58炸髀睇落賣相已經好吸引，打開袋已到聞到好香，如果有得落調味粉就仲正！ 咬落去果然冇失望有驚喜，炸粉漿一啲都唔厚，仲有麵包糠，好嫩口，而且炸嘢嚟講唔算油！ 絕對唔會食到成個下巴都係油。磨菇飯方面，我就覺得食落冇網上嘅咁誇張，普通啲，同某連鎖快餐店嘅磨菇飯唔同味道，各有千秋。個人感覺呢款冇咁膩，主要味道係菇味+微偏咸，唔算話好濃郁，但都好食嘅。飲品方面就普通茶記質素。