榮哥廚房私房菜

營業中

休息中

最近同屋企人發掘到一間位於觀塘性價比極高的工廈中式私房菜-榮哥廚房私房菜，主打新派粵菜，食過返尋味😋🔸涼菜：榮哥自家甜酸齋酸酸甜甜，好開胃🔸前菜三點：▫️本地水耕沙律菜伴芝麻醬小蕃茄鮮甜多汁，耕沙律菜青脆爽口▫️雙色墨魚仔口感爽口彈牙，一個原味一個辣味，好開胃～▫️茶燻流心蛋伴黑魚子醬配厚切茄子流心蛋熟度啱啱好，陣陣茶燻嘅香味，再配上酥炸過嘅厚切茄子，精緻得黎盡顯廚師功力。🔸原盅燉哈密瓜螺頭黑毛豚肉湯清甜鮮味，十分足料，夠哂滋潤。🔸黑松露醬炒花尾躉班球配鮮露筍 龍躉片啖啖肉好滑溜，，鮮蘆筍新鮮夠唒鑊氣！🔸 蝦球水芙蓉新鮮蝦球加上鮮嫩滑溜嘅蛋白，健康美味。🔸遠年新會陳皮黑豚肉排骨炸到好香口鬆化，面上仲灑咗啲梅子同陳皮粉，十分開胃同消除油膩感，令味道會更有層次🔸韓泡汁煮牛面肉配雙色蘿蔔(微辣)牛面肉同蘿蔔都吸收晒啲汁肉質又腍又夠牛香，最啱餸飯食。🔸米王有機時令鮮蔬菜幼嫩脆綠的波菜配上濃厚的奶白魚湯，有益且美味。🔸他鄉炒米絲用上福建莆田米粉炒得有鑊氣乾身彈牙，配上24個月西班牙黑毛豬火腿，啖啖鹹香。🔸時令甜品：薑汁芝麻湯圓粒粒都好飽滿，皮薄餡靚，食落去很煙韌有咬口，芝麻餡仲有流心效果。