薩莉亞意式餐廳 (西寶城)

營業中

休息中

薩莉亞早前醜聞不斷，繼荃灣店有食客發現有甲由，到青衣店發現有米奇，已經知佢衛生質素麻麻。今日決定壯壯膽，試下呢間西環新開既「殺你啊」。西寶城呢間環境幾光猛，坐位闊落，門面算乾淨，唔似其他分店咁咁龍蛇混雜feel。入到去禁鐘仔，禁左成10分鐘都無人應。老實講，lunch hour唔算多人，無理由要咁耐。好啦過左10min，終於有個waiter過黎落單，咁我就叫左呢個lunch set。意粉味道ok，比想像中好，呢個價錢咁既意粉都算合格，性價比高；平時一個大快活意粉起碼都45up。粟米湯幾好，夠濃，唔似普通沖濟又多粉又多水。整體合格。total都係＄42，非常之抵。唯一係佢既服務真係要改善，員工態度不太友善，一黎禁完鐘好耐先過黎同你落單，二黎送餐時成碟經過我膊頭fing上枱面，fing完個waiter就咁走左，勁無禮貌，仲爭d整污糟我。