旺記冰室 (九龍中心大廈)

營業中

休息中

以往亞士厘道巷尾吉舖多，門前冷清，經常只見一、兩堆人士圍在舖前空地一起" 打邊爐 "，附近食肆雖多，然而排長龍等位的情況較罕見。今天同一位置，情況已不一樣 ，茶餐廳分店由舊年進註，標榜用日本蛋作食材，很快便成為尖沙咀人氣長龍店。和朋友六點三十五分到達，舖外經已有廿多人排隊，大部份是內地人，我們大約等了近半小時才能入座。自家製叉燒日本滑蛋飯 $54採用日本蛋，炒得相當嫩滑，蛋的份量大，覆蓋了整碟飯；叉燒肉質軟腍，但味道稍稍被甜豉油蓋過鮮薑汁豬膶鮮雞湯通粉 $48真的很重薑汁味，湯底清甜，豬潤大塊爽脆 多士升級奶油大脆豬 $5炒蛋嫩滑，脆豬包橫切一開二，包面牛油和煉奶比例剛剛好，可惜外皮不夠脆滑蛋做得出色，食物質素較一般茶餐廳好，分量同價錢亦算OK，茶餐廳亦是香港獨有的一種飲食文化，難怪受內地旅客追捧，不過若只因想食炒蛋，而要排半個鐘或以上，我又覺得不化算。