小草十八怪

營業中

休息中

幾個朋友彌敦道行街，見到呢個店名有點玩味，裝修也有點出位，就入呢間叫小草十八怪嘅餐廳食下午茶，果然系驚喜嘅發現！脆脆蝦多士，外脆內嫩，蝦肉彈牙！脆炸無骨豬手亦令人驚喜，皮脆肉嫩，咬落去有啲咸香味道。紫菜天婦羅魷魚鬚，外脆內軟，好欣賞佢炸粉不厚，配上紫菜嘅香氣，口感相當豐富。九制陳皮炸雞，雞肉嫩滑，陳皮味道令整體更添層次。五花肉串亦係一個唔可以錯過嘅選擇，肥瘦相間，烤得剛剛好，非常惹味。蔥油雞絲公仔麵，簡單卻好味，雞絲嫩滑。小草十八怪嘅濃湯小雲吞，湯底濃郁，雲吞餡料豐富，一碗十多粒，抵食。小草十八怪各款小食都充滿心思，令人驚喜除咗食物好味之餘，就系特別調配嘅醬汁，系外面食唔到！如果你喺尖沙咀附近，記得過嚟試下！