小草十八怪

1個月都總會經過尼間鋪10次8成，今次第一次入去試下午茶，求其叫左2個餐，其中有樣野叫做凱撒鮮雜果沙律，沙律黎到係鮮果配日式芝麻醬….怪怪的，究竟佢知唔知咩叫凱撒？！ 而且火龍果變壞了，個菠蘿油外表核突甩哂皮，應該用微波爐翻熱過所以成個包都硬掘掘，入面果片牛油仲一大浸雪味，另外嗰個Pizza直頭好似小朋友嗰啲親子班家政堂咁，蟹柳粒、幾條三色椒、加啲茄汁加啲芝士碎…..真係唔洗錢我都唔會再去🤮🤮🤮…查看更多

呢間店有好多普通茶記食唔到嘅菜式，有串燒、烤魚、炸物等等，主打石鍋米線同荷葉飯～之前喺附近都會嚟食個簡單、平平哋嘅晚飯👐🏻 今次見到出咗雞煲限時套餐，見200蚊唔駛就試吓佢啦！雞煲限時套餐（二人份）💰198👉🏻 十八怪秘製風味雞煲（半隻）有爐熱住個雞煲🔥感覺好有風味～ 雞肉好入味又嫩滑～秘製醬汁好惹味👍🏻可以揀辣度、麻度，今次揀咗小麻小辣，但感覺只喺微微辣（食開譚仔10小辣人士表示），想食辣啲過癮啲嘅可以嗌中麻中辣或以上～ 👍🏻👉🏻 土魷馬蹄香菇肉餅荷葉飯一嚟到，見到個下覺得個賣相有啲普通⋯睇落好似好清淡咁⋯點知食落去又幾重荷葉香味，飯粒又分明，有少少驚喜🤏 👉🏻 特大手打檸檬茶好大杯！兩個人share啱啱好，叫咗少甜，酸甜度平衡得啱啱好～解渴之選🍋✅高樓底、具空間感，環境舒適多卡座，平日想舒舒服服食個飯喺唔錯嘅選擇…查看更多

之前去女人街樓上鋪食過, 諗住今晚試下油麻地依度, 知道搬左位置一頓時間, 但始終未有機會試😅, 望下餐牌都幾多選擇, 有石鍋米線, 有荷葉飯, 有🐔雞煲烤魚🐟各式小食, 又有d較特色的冷熱飲品, 亦有其他粉麵類, 用QR code落單, 不過見食飯時間都有大把吉枱, 都有d懷疑, 係咪地點不方便定今日係閒日🙃 之後隔左一陣送上藤椒魚皮, 依個又整得幾好食, 爽彈之餘亦食到麻麻地的感覺👍, 之後送來加$的上湯娃娃菜, 加$8, 份量係唔係太多, 都食到上湯的一点甜味😅, 之後再送來石鍋米線, 真係熱辣辣, 㨂左自選湯底同食材, 要左米線+肉骨茶湯底+蟲草花+魚肚+豬潤, 送來係聞到好香的肉骨茶味😋個刻係充滿期待, 点知夾左d試下, 湯底係完全無乜味😑其他食材就正常味道, 份量都唔係特別多😆, 之後送來加$的陳皮炸雞🐔, 加幾$也忘了, 試左一件, 味道唔錯, 肉質嫩滑, 不過就唔係太食到陳皮味😅當係一件普通炸雞吧😂, 之後送來冬菇臘腸蒸雞🐔荷葉飯😂又係滿心期待, d飯食到係熱, 臘腸試左無乜油香味, d飯我都食唔到有任何荷葉的香味🤔再食件雞🐔就更加離譜🙄入面未熟, 真係有無搞錯😱敢少客都敢, 難怪這麼快可以送出來了, 之後叫店員過來, 都唔係一眼關七, 叫左好耐先有人過來, 只係圍住一起吹水🤨😓, 叫左過來一時話幫你取消, 一時話幫你再蒸過, 可能第二度已經換過第二款食物了, 最後等左一陣再蒸過出來, 都係食左d飯, d🐔都驚驚地唔夠膽再食😵🙀, 最後飲埋杯洋甘菊🌻🌼乾花熱飲, 雖然係茶包, 但發覺最好係依杯飲品, 其他真係比我預期中差, 最後付款只接受現金, 八達通同內地微信, 連香港支付寶也不行🤐可能他們只想做國內客戶了😆不過我都唔會再來, 埋單227元, 都有其他更好更多的選擇, 試過一次就夠了…查看更多

夜晚10點多，門口的招牌吸引着，限量雞煲套餐$198 ，所以臨關門前去，即管試試還有沒有。招待小妹妹還說有，那就當然即刻坐下。即刻點了這個雞煲套餐。雖然時間比較夜已經沒有了荷葉飯需要用普通飯代替，但份量比我和味道比我預計的好很多不會因為特價而慳了功夫所以整體上真的很驚喜，值得再來幫襯😌$198包了雞煲以及一杯大杯的手打檸檬茶還有荷葉飯本身是預了二人份量，所以一個人食充足有餘。本身還點了一支啤酒，但發覺其實可以不用點，因為也杯檸檬茶已經很足夠…查看更多

同朋友去咗間網上好多人推介嘅餐廳，心諗咁多好評，應該穩陣啦，點知完全係一場災難！我哋叫咗兩樣嘢，一個係荷葉飯，一個係金湯米線。荷葉飯一送到嚟已經有啲失望，米飯硬到好似隔夜飯，完全冇荷葉嘅香味，啲材料又少到數到曬，味道平平無奇，仲有種唔新鮮嘅感覺。再講個金湯米線，簡直係啲湯鹹到好似飲緊鹽水，完全壓過晒啲米線同配料嘅味道，仲有種唔知點形容嘅怪味，好似啲材料放得耐咗咁。食完之後我哋兩個都覺得好後悔，真係浪費咗個胃口。最離譜嘅係，間餐廳喺網上竟然有咁多打手話好食，仲有啲人話係「必食之選」，真係唔知佢哋係咪畀錢請返嚟寫好評。總之呢間餐廳我哋一世唔會再返去，真係冇陰公！大家千祈唔好中伏！…查看更多