中午和兩位同事喺油麻地食飯，選了這間小草十八怪。 其實我已是老顧客，時不時都會幫襯，荷葉飯和米線是我的推介。🏅~金瑤柱鯛魚片粉絲荷葉飯：我的摯愛。荷葉飯吸收了蒜蓉和瑤柱的香味，鯛魚片和粉絲滑溜，每一啖飯都很好吃。飯粒煙韌，味道層次豐富。 🏅~午市套餐：咖喱牛筋腩飯。牛筋腩炆得夠腍，咖喱香濃惹味，配飯一流。 🏅~招牌金湯過橋石鍋米線：花膠、海蝦、鯛魚片、肥牛、蟹柳、溫泉蛋、腐皮、翡翠苗、芽菜等。金湯湯底少少辣，好味道。配料豐富，米線滑溜不糊口。 🏅~原條燒茄子：選了小麻小辣，茄子燒得軟腍，微辣帶香，頗為惹味。 🏅~蒜蓉錫紙燒娃娃菜：這個湯底又係很好味，娃娃菜底下還有唐芹和洋蔥。蒜香撲鼻，蔬菜鮮甜又爽口。…查看更多
呢間出名雲南米線，而啲米線又真係雲南度嚟，又彈又唔易斷，唔啱用嚟整石鍋米線
費事煩嘅大胃就揀過橋米線，有齊封門牛柳、花膠、海蝦、溫泉蛋、蟹柳、鯛魚片、翡翠苗、腐皮、芫荽、芽菜同韭菜，豐儉食材盡在一鍋，性價比非常高，湯底少少辣好香口
除咗招牌米線，石鍋煲仔飯都好正，見後來嘅食客好多都係嗌蟹皇飯，成隻蟹攤咗喺飯面
上檯冚蓋吽到鬧鐘響，一打開蟹香撲面
幾多蟹膏吓，啖啖飯都有蟹嘅香味
跟餐可以加錢嗌小食，涼拌青瓜同雲耳醃得幾惹味，爽口又開胃
陳皮炸雞肉質好嫩彈，大大嚿但唔會嚡口
呢度仲有串燒嗌，茄子真係冇人能夠拒絕，燒得好香好綿，仲好大份𠻹
一咬開要睇熱，好香流心蛋黃
