輝記香港仔魚蛋粉

營業中

休息中

今晚我們去咗天水圍天一商城嘅「輝記香港仔魚蛋粉」食宵夜！我們叫咗招牌魚蛋河粉同紫菜四寶河粉嘅河粉就咁睇比平日食開嘅粗身同厚身，食落覺得質感比較「粗嚡」，魚蛋都幾爽滑彈牙，魚皮餃嘅皮亦都係非常「粗嚡」，入面嘅餡料唔係好新鮮，味道亦比較鹹，而且感覺超級油膩！鮮蝦雲吞粗麵嘅麵質好煙韌彈牙，雲吞皮都幾嫩滑薄身，蝦肉好爽甜彈牙！湯底嘅味道比較淡，祇係比滾水有味啲啲！本來我們充滿期待諗著食香港仔魚蛋粉會有質素嘅保證，但今次就真係令我們覺得好失望！