影片
更多
2013-12-08
187 瀏覽
去過曼谷或熱愛泰國既朋友，相信無人不認識這間餐廳，於各本旅遊天書或飲食雜誌均會看到Greyhound這名字。尤以某著名女食家/飲食節目主持人經常誇讚這餐廳食物質素高，一道單骨雞翼更讓其讚不絕口。小的一向對這主持人反感，往往只讚名店，聞說又經常向餐廳攞著數，R唔倒就又彈又閙，好像有欠中肯。所以見佢讚Greyhound讚到天上有地下冇，從無想過要幫襯呢！是晚老公要到九龍塘大超市買公司Party用品，故決定在又一城開飯。想來想去諗梗去邊間餐廳既時候，因為想食泰菜，所以決定破戒嚟呢樹試下。去到餐廳大概9點，已過左晚飯既黃金時間，所以冇人等位，店員即安排我們入座。餐廳大部份座位除了跟廚房及櫃檯一樣設在舖內之外，跟另一家西餐廳一樣，在其門外商場位置設"室外"座位，除了在商場餐廳範圍兩側有靠背座位，中間放了一張長枱及高櫈作吧位，坦白講，座位太密，偏窄，不過這家餐廳平時是長龍店，如不這樣設計，等既人可能會更耐。餐牌相當精美，封面設計簡單，跟餐廳一樣以黑白為主，薄薄的Box Folder中圖文並茂，甜品餐牌也一樣，只是細本一點，顏色以黑﹑桃紅為主。除了泰菜，原來還有漢堡﹑三文治﹑意粉等西餐。不過我來是想
去到餐廳大概9點，已過左晚飯既黃金時間，所以冇人等位，店員即安排我們入座。餐廳大部份座位除了跟廚房及櫃檯一樣設在舖內之外，跟另一家西餐廳一樣，在其門外商場位置設"室外"座位，除了在商場餐廳範圍兩側有靠背座位，中間放了一張長枱及高櫈作吧位，坦白講，座位太密，偏窄，不過這家餐廳平時是長龍店，如不這樣設計，等既人可能會更耐。餐牌相當精美，封面設計簡單，跟餐廳一樣以黑白為主，薄薄的Box Folder中圖文並茂，甜品餐牌也一樣，只是細本一點，顏色以黑﹑桃紅為主。除了泰菜，原來還有漢堡﹑三文治﹑意粉等西餐。不過我來是想吃家鄉菜，當然點番泰式湯粉﹑青木瓜沙律等泰菜啦！
先來既是青木瓜沙律，看上去並沒有太多配料，只有少量蝦米，又加了紅蘿蔔絲及幾粒車厘茄，沒有加炸豬皮，取而代之既係煙肉碎，雖然整體味道尚可，但加了煙肉碎有點怪，平時我好愛煙肉既鹹香，但我唔覺佢同青木瓜沙律夾呢，可能我唔夠fusion呀！我點既泰式牛肉牛丸湯米來了，湯水色澤深，喝一口味夠濃，牛肉其實係用牛腩，牛丸味道一般，這個更像某越南餐廳的牛河(用料方面而已)。另一個主食鴨髀湯河也來了，色水跟湯米一樣，味道亦然，鴨肉煮得夠腍，但味道沒驚喜。來Greyhound又怎能不點其出名既單骨雞翼呢？最後才上的雞翼炸得金黃，熱辣辣，初時以為會跟泰式辣醬，但沒有呢，還好本新調味夠，沒能沾醬也可以，不過同樣味道一般。
吃罷所有前菜﹑主食，其實已好飽，但點飽都要試這裡另一名物~椰子千層薄餅蛋糕。喺我地努力食梗主餐時就見倒隔離枱都有點這個蛋糕，而且不是只得一枱，而係其他枱都有點這個，可想而知這甜品非試不可。等了一陣甜品到來，白雪雪看似簡單無甚特別，再看就見到雪白既忌廉及pancake之間有兩層厚厚椰肉，試一口味道好清新，椰肉口感剛好，不會實定定硬掘掘，滿口椰香，甜度可接受，建議兩人分吃，冇咁膩滯。(當時既我地已好飽)
整體嚟講，食物雖然冇乜驚喜(椰子蛋糕除外)，但味道確是唔錯，不過價錢偏貴。餐廳環境本身係唔錯，但座位太迫了，欠舒適。一開始落單時店員沒有笑容，看來佢對其工作有感不滿，又或見悶。喺店員收走所有餐具換甜品食具時，其中的紙巾有淺淺污漬，雖然未必是用過的，可能只是唔覺意滴左啲汁落去，但都幾讓人倒胃。埋單時也跟負責收錢既店員講，佢都覺得唔好意思。既然喺這裡用餐買唔倒乾淨﹑得唔倒同價錢成正比既應有服務(態度)﹑座位又唔夠舒適，以這個價錢，我想…我去九龍城地踎泰菜館會吃到更多更好的！
張貼
