陳儀興飯店 (崇齡街)

營業中

休息中

呢晚同咗幾個老友聚舊，某君提議食呢間大排檔，咁我哋幾位都冇咩特別想食，就聽佢話去咗呢間食！要知一間潮州打冷掂唔掂就一定要試下佢啲滷水，我哋叫咗碟鵝腸，食鵝腸梗係要食有肥膏啦，呢到嘅鵝腸都好厚肉，好吸收到滷水汁， 夠晒入味！伙計介紹澄海滷水鵝都好出名，叫我哋整碟，果然冇介紹錯，鵝肉夠鬆軟入味，要讚一讚個底下嘅豆腐索哂汁，食落又綿又滑！正！呢到嘅蒜香骨炸完都有啲肉汁喺入面，唔會太乾身，超惹味！蠔餅份量超多，有兩大塊，表板好酥脆香口，雖然有啲厚粉，但蠔嘅份量都多，唔錯！順帶一題，平日夜晚原來都幾旺場，好彩我嗰日六點幾左右就到，食得八點鐘已經全場爆滿，如果唔想等位真係要早啲嚟！