傑星冰廳

營業中

休息中

去深水埗睇玩具，經過汝州街一間冰廳見到啲晚飯套餐相當抵食就入去探一探，冰廳有卡座有圓桌，以綠色為主調配牆上裝飾的確醒神。我們點了幾個晚市小菜套餐加啲小食。菜芯炒牛肉，以最嫩嘅菜遠炒牛肉片，加入薑絲調味，炒到剛剛好，菜芯爽甜牛肉嫩滑。蔥爆牛扒加入三色甜椒同洋蔥爆炒鑊氣十足，牛扒味濃，洋蔥同甜椒剛熟保持爽脆。酸菜豬潤炒肥腸，咸酸菜配內臟配搭係天衣無縫，豬潤吸咗酸菜食多多都得，肥腸更係食到唔夠喉。酥炸墨魚丸夠香脆，瑞士雞翼入味嫩滑。嚟到冰廳梗係叫冰飲，我同朋友就叫紅豆冰，紅豆粒粒分明有咬口又唔硬，甜度剛剛好。另一朋友叫紅豆鴛鴦涼粉冰都話好飲。餐廳份量足價錢平，性價比一流。