泰金鍋

營業中

休息中

約咗朋友放工後去旺角打邊爐，見到創興廣場有間泰式邊爐，真係未試過喎！決定去試吓🍲我地揀咗B餐澳洲產極選肩胛牛小排，有成80款食材放題，例如有牛舌、牛胸爽、羊肩肉、豚梅肉等等，我同朋友星期二放工後7點半到9點半期間入座$268一位，其他時段會平啲，長者或者小朋友價都會平啲，都好抵食。120分鐘嘅放題都好夠時間，唔洗食到咁急。好多特色湯底可以揀呀！泰式就梗係試吓冬蔭功鍋啦，另外揀咗青檸椰奶雞湯鍋，真係好香椰奶味，正呀🍲鴛鴦鍋+$68。除咗各款肉、丸款、蔬菜之外，仲有串燒可以點，個沙嗲串燒又幾好食，沙嗲醬好香濃又重花生味。仲有海南雞任夾，有流水蝦即夾即落鍋，有泰式甜品，仲有好多款飲品。