正宗水上人氣鍋專門店 (已結業)

之前聽過好多人讚好，但從未試過，真係第一次試咋，食材新鮮，美味。先來芒蜆、花甲王及馬刀貝，味道非常鮮味，而且好大隻；然後有南非鮑魚，鮑魚上面嘅汁同鮑魚好夾呀，提升咗鮑魚嘅鮮味；服務員話隻蟹比較細，所以建議我地放落去煲粥；之後再食蟶子王及貴妃蚌，肉質彈牙鮮甜；仲有南非龍蝦，味道也不錯👍😋😋諗住今日做冬，於是額外另加瀨尿蝦皇，差不多成隻手臂咁長呀，上枱時，瀨尿蝦還是生蜢的，肉質鮮甜，呢個時候已經好飽喇，但最後都要食埋個蟹粥，仲有一個好特別嘅甜品，真係好好味呀！