金凱小廚 (已結業)

開始凍返，最適宜打邊爐，順便當做冬，$198任飲任食，仲要有雞煲、串燒及啤酒，性價比高。先食雞煲，麻辣香十足，小辣惹味之餘又唔會辣到食唔到，雞件啖啖肉，醃得很入味。之後每位可以揀三款串燒，每樣都揀少少試下，焗蠔都算大隻又唔腥，燒牛舌、牛肋肉就略有咬口。最抵讚係會換湯底打邊爐，揀了花膠雞湯，不會太咸，還有幾件花膠。牛肉有兩款，兩隻都唔錯，唔會太肥，牛肉有肉味又唔鞋。牛丸、蝦丸及豬肉丸都是手打，十分彈牙有肉味，非常高質。鯇魚片鮮甜嫩滑，海蝦新鮮爽口。蔬菜每次叫就送一碟，有生菜、油麥菜及粟米。