綠林甜品

營業中

休息中

近這幾晚天氣開始凍，突然心血來潮想去食個熱辣辣的糖水，於是就擇日不如撞日，今晚平日星期二就去，閒日應該糖水店無咁多客人，容易啲搵位，屋企食完晚飯，叫埋屋企人然後我揸車去深水埗食番個傳統糖水。泊好車係隔條街，然後行過去，雖然平日但店內都差不多坐滿，坐低後連餐牌都唔駛睇，大家都叫左這店冬天限定的栗子糊，等左一陣，一碗熱辣辣的栗子糊就來到，第一眼睇落去顏色似綠豆沙，聞落已經有少少栗子香，第一口食落去，除左糊之外，仲有好多栗子碎粒，令到個糊變得好豐富，證明真材實料。最特別係其他糖水店沒有栗子的糖水，冬天食番碗，使到每一餐更完美