影片
更多
2021-12-29
500 瀏覽
冬天凍冰冰🥶最好就係食啲暖笠笠嘅嘢，呢日就去咗食蛇羹，我都係第一次食架咋，見好多人係銅鑼灣呢間蛇王熙排隊，入面又爆晒場就試下先。原來蛇王熙係著名老店蛇王二嘅舊伙記主理嘅，所以質素應該都有啲保證🙌🏻花膠燴蛇羹超級足料嘅蛇羹🐍蛇肉份量好多，第一次食嘅我又覺得好容易接受，好似食緊雞肉咁，肉質比較實淨。除咗蛇肉之外仲有花膠、冬菇、薑絲、木耳、陳皮、檸檬葉、脆脆同菊花瓣，花膠都有唔少，而且爽彈有少許膠質😗😗所有配料嘅配搭都幾好，不過我個人就唔係咁鍾意太多檸檬葉，味道有啲太搶。臘味糯米飯蛇羹同臘味飯絕對係最佳組合，香口嘅臘味加埋脆卜卜花生，連同黏糯嘅臘味飯一齊食，冬天食一流👍🏻涼拌拍青瓜雲耳套餐包埋嘅小食，清爽嘅青瓜同雲耳浸住酸酸辣辣嘅醬汁都幾惹味。菜膽燉豬肺超級超級清甜又滋補嘅燉湯，真材實料又冇味精，豬肺都有唔少舊，好飲😋😋人均消費：$100推介指數（10分為滿分）：8.5分
花膠燴蛇羹
超級足料嘅蛇羹🐍蛇肉份量好多，第一次食嘅我又覺得好容易接受，好似食緊雞肉咁，肉質比較實淨。除咗蛇肉之外仲有花膠、冬菇、薑絲、木耳、陳皮、檸檬葉、脆脆同菊花瓣，花膠都有唔少，而且爽彈有少許膠質😗😗所有配料嘅配搭都幾好，不過我個人就唔係咁鍾意太多檸檬葉，味道有啲太搶。
臘味糯米飯
蛇羹同臘味飯絕對係最佳組合，香口嘅臘味加埋脆卜卜花生，連同黏糯嘅臘味飯一齊食，冬天食一流👍🏻
涼拌拍青瓜雲耳
套餐包埋嘅小食，清爽嘅青瓜同雲耳浸住酸酸辣辣嘅醬汁都幾惹味。
菜膽燉豬肺
超級超級清甜又滋補嘅燉湯，真材實料又冇味精，豬肺都有唔少舊，好飲😋😋
人均消費：$100
推介指數（10分為滿分）：8.5分
張貼
