凱逸餐室

營業中

休息中

夜晚經過千色嗰頭，見到呢一間茶記出邊有整煲仔飯，今晚天氣凍凍地見到煲仔飯好吸引，一於入去試吓。嗱嗱臨就揀一款煲仔飯啦，佢都有好多唔同嘅款式揀嘅，我哋就揀咗臘腸排骨飯。另外再叫多一個乾炒牛河，兩個人share嚟食。首先乾炒牛河嚟先，因為煲仔飯係即整嘅所以都需要一啲時間。個乾炒牛河中規中矩，唔會好多油都正常啦。終於個煲仔飯嚟啦見到條臘腸都幾大條，仲有兩條tim，食煲仔飯嘅精髓一定要叫臘腸嘅。個煲仔飯啲飯入邊都做到有飯焦，唯一有啲可惜嘅係啲飯焦癡得太實好不不出來。另外每一個餐都一碗湯，飲落又唔係味精湯，有住家嘅味道，而且仲好足料，每碗有兩隻雞腳添。