丹麥餅店

營業中

休息中

今日早上係銅鑼灣跑完步之後有啲肚餓，所以就幫襯丹麥餅店，不過我今次就試下佢個芝士漢堡包。其實我原本係想試下個豬扒包的，不過見到我前面嗰個人食緊而成個包都係油的情況下令我卻步，選擇左睇落冇咁油的芝士漢堡包。我自己就覺得個包冇上次的魚柳包咁好食，但其實都唔錯的。同魚柳包一樣，漢堡包都係即叫即做，所以熱辣辣，而且漢堡好大件、又厚，係抵食的。個漢堡扒牛肉味非常濃，我有問過店員，佢哋話個漢堡扒係自己手打出來的，所以食落比出面食到的有口感，每啖食落都唔同。