劉森記麵家 (桂林街)

營業中

休息中

今晚係特登去深水埗食劉森記嘅，之前聽就聽得多，但係我哋都未試過，所以難得今次係大嚿提議，緊係贊成啦，試新嘢嘛！去之前做定功課，睇過OR食評先去架，我揀咗黑柏頁水餃蝦子撈麵，大嚿揀咗牛筋腩蝦子撈麵(佢叫果時無講蝦子呀，好在我幫佢補充返咋，如果唔係咪無蝦子囉，唏！大頭蝦)，再加多碟芥蘭走油加腩汁！我本身唔係好鍾意食呢D麵嘅，但係都覺得D麵質係好食喎！至於蝦子味就唔係咁突出，黑柏頁同水餃都有水準，但係水餃又未至於其他人講到咁大隻丫...我喺中環三多食果D水餃都大隻過佢架...我試咗牛筋呀，都好食！大嚿話都幾抵食，因為又有菜，又幾大碟~不過佢話覺得上次喺澳門祥記好食D喎，唔知係咪因為細碟D喎！我下次想試吓蝦子湯河呀~