影片
更多
2022-07-18
1969 瀏覽
夜晚黎到，人均千三蚊就有前菜、刺身、壽司八點盛、湯、甜品共十六道菜，做埋會員仲減多兩百。呢個份量同價位都幾合理，甚至可以話抵食，師傅又friendly，所以我又來了！除左omakase，其實單點嘅招牌串燒同特色卷物都幾岀色，特別係燒三文魚松葉蟹卷同山葵日山和牛肉卷————————————————⠀⠀⠀⠀⠀幸 • 廚師發辦 $1288/位 (會員 $1088/位)前菜和牛春卷｜腐皮海膽｜醋漬水雲刺身北寄貝蟹肉漬物｜赤崎生蠔｜火炙左口魚邊｜中拖羅壽司帆立貝｜笛鯛｜鰤魚｜北海道牡丹蝦｜大拖羅｜海膽｜牛肉手卷｜鮑魚飯湯立魚湯甜品蜜桃卷蛋｜紅豆雪糕————————————————⠀⠀⠀⠀⠀前菜▪️和牛春卷｜春卷外皮香脆，和牛口感比較似肉碎，肉味都幾濃但無油脂香，唔係唔好食，不過就同平時食開嘅和牛完全唔同感覺。▪️腐皮海膽｜海膽軟滑，腐皮增添左一絲豆香，不過海膽鮮味就有少少被wasabi蓋過。▪️醋漬水雲｜不敗前菜！真係好鍾意佢滑捋捋嘅質地，酸尾尾好開胃，仲可以一清味蕾。— — — — — — — — — —
除左omakase，其實單點嘅招牌串燒同特色卷物都幾岀色，特別係燒三文魚松葉蟹卷同山葵日山和牛肉卷
————————————————⠀⠀⠀⠀⠀
幸 • 廚師發辦 $1288/位 (會員 $1088/位)
前菜
和牛春卷｜腐皮海膽｜醋漬水雲
刺身
北寄貝蟹肉漬物｜赤崎生蠔｜火炙左口魚邊｜中拖羅
壽司
帆立貝｜笛鯛｜鰤魚｜北海道牡丹蝦｜大拖羅｜海膽｜牛肉手卷｜鮑魚飯
湯
立魚湯
甜品
蜜桃卷蛋｜紅豆雪糕
————————————————⠀⠀⠀⠀⠀
前菜
▪️和牛春卷｜春卷外皮香脆，和牛口感比較似肉碎，肉味都幾濃但無油脂香，唔係唔好食，不過就同平時食開嘅和牛完全唔同感覺。
▪️腐皮海膽｜海膽軟滑，腐皮增添左一絲豆香，不過海膽鮮味就有少少被wasabi蓋過。
▪️醋漬水雲｜不敗前菜！真係好鍾意佢滑捋捋嘅質地，酸尾尾好開胃，仲可以一清味蕾。
— — — — — — — — — — — — — ⠀⠀
刺身
▪️北寄貝蟹肉漬物｜北寄貝爽彈，蟹肉有鮮味，底下有醋味啫喱同爽口青瓜。
▪️赤崎生蠔｜生蠔超大隻，口感爽滑，鮮甜多汁，唔似法國生蠔咁重礦物味。
▪️火炙左口魚邊 配鱸魚｜鱸魚口感爽滑，左口魚邊經火炙後油香滿溢，面頭嘅檸檬碎可增添一絲清新嘅感覺。
▪️中拖羅｜軟腍無筋魚味濃，底下嘅紫菜食嘅時候仲好香脆呢~
— — — — — — — — — — — — — ⠀⠀
壽司
基本上款款都幾鮮，重點介紹幾款較有記憶點嘅
▪️北海道牡丹蝦｜肥美爽滑，膠質重。面頭嘅蝦膏可增添咸香之餘，唔會搶過蝦鮮味
▪️大拖羅｜無筋，油脂感好重，近乎入口即化
▪️海膽｜選用馬糞同紫海膽兩款，口感軟滑，入口毫無違和感，但就未見其相得益彰嘅效果，亦唔算好鮮甜
▪️牛肉手卷｜選用日山A5和牛，油香突岀，不失牛味。更加入蔥添上一抹清新，連同香脆紫菜，口感唔會好單調
▪️鮑魚飯｜鮑魚爽彈 ，底下嘅鮑魚飯撈左鮑魚肝醬同鮑魚粒，好正。仲食到淡淡醋味中和油膩感— — — — — — — — — — — — — ⠀⠀
湯
立魚湯呈奶白色，熱辣辣好暖胃。飲落唔會好腥，但胡椒味較魚味突出。
甜品
蜜桃卷蛋濕潤軟綿。雪糕有驚喜喎！紅豆味好濃，仲有啲紅豆粒，唔會太甜。
張貼
