影片
更多
2024-02-03
33 瀏覽
Coast Seafood & Grill係銅鑼灣Fashion Walk的食街內，係donki附近行入少少，算好方便。餐廳主打地中海菜，揉合歐洲南部意大利、西班牙和法國而成料理，好多都屬於海島菜式，所以用咗好多海鮮類入饌，係香港比較特別嘅餐廳。室內外均有座位，配上微黃燈光和燭光，啱一對對情侶傾吓偈食下飯。選擇都幾多元，如果四人行相信一定好開心，可能食多幾款。//布拉達芝士有機雜錦蕃茄沙律//布拉達芝士口感軟綿綿，少少黑醋再加沙律菜，清一清個口。蕃茄處理得好好，亦都好清甜。//香蒜橄欖油浸墨魚片// 屬於會encore嘅菜式！超香蒜片味道，墨魚片又爽口！成件事好match!!係喺香港會少食嘅款式！//脆炸西班牙粟飼豬腩配泰式酸辣汁//有啲似燒肉🤣不過個皮炸到脆卜卜，就好似乳豬仔咁！用上咗五花腩嘅肉，一層肥一層肉，邪惡到呢！建議配埋佢個酸辣汁食，減輕少少油膩感。//法芥醬忌廉燴黃油雞配中東包//好rich嘅忌廉汁，黃油雞雖然唔算好大隻，但係都仲好嫩滑！中東包同佢都幾match，配菜嘅薯仔都好好食！
Coast Seafood & Grill係銅鑼灣Fashion Walk的食街內，係donki附近行入少少，算好方便。
餐廳主打地中海菜，揉合歐洲南部意大利、西班牙和法國而成料理，好多都屬於海島菜式，所以用咗好多海鮮類入饌，係香港比較特別嘅餐廳。
室內外均有座位，配上微黃燈光和燭光，啱一對對情侶傾吓偈食下飯。選擇都幾多元，如果四人行相信一定好開心，可能食多幾款。
//布拉達芝士有機雜錦蕃茄沙律//
布拉達芝士口感軟綿綿，少少黑醋再加沙律菜，清一清個口。蕃茄處理得好好，亦都好清甜。
//香蒜橄欖油浸墨魚片//
屬於會encore嘅菜式！超香蒜片味道，墨魚片又爽口！成件事好match!!
係喺香港會少食嘅款式！
//脆炸西班牙粟飼豬腩配泰式酸辣汁//
有啲似燒肉🤣不過個皮炸到脆卜卜，就好似乳豬仔咁！用上咗五花腩嘅肉，一層肥一層肉，邪惡到呢！建議配埋佢個酸辣汁食，減輕少少油膩感。
//法芥醬忌廉燴黃油雞配中東包//
好rich嘅忌廉汁，黃油雞雖然唔算好大隻，但係都仲好嫩滑！中東包同佢都幾match，配菜嘅薯仔都好好食！
張貼
