影片
更多
2022-10-24
41 瀏覽
朋友喺金鐘返工，為咗方便一放工可以即刻食飯傾耐啲，佢揀咗位於金鐘PP嘅Apinara。我見個名有啲熟口熟面，直到去到坐低睇Menu同埋侍應自動上嘅招牌蝦片，一秒肯定呢間都係泰菜過江龍Nara集團旗下嘅餐廳。蝦片 $18又脆又有香辣嘅胡椒味，一食就知道係nara 出品。雖然價錢比沙田分店貴$3，但個份量係Double size，其實好抵食。香脆紅咖喱魷魚球(6件） $108我覺得唔辣嘅，反而食到有千島醬味，酸酸甜甜咁幾開胃。魷魚球用墨魚同魷魚打成，真材實料，食得出有魷魚粒粒，口感彈牙。呢道菜係期間限定，有興趣嘅朋友要早啲去試吓啦！泰式椰子雞湯 $128椰奶令到湯底濃稠，有啲似椰汁西米露嘅質地。酸味比我想像中突出，飲得出用咗好多唔同嘅香料令味道更豐富，最重要係佢唔會好辣，大人小朋友都啱飲。湯料嘅雞肉大大嚿又嫩滑無骨，平時好怕食湯渣嘅我都忍唔住係咁食啲雞。另外好欣賞餐廳提供火爐㷫住個湯保温。泰式鹹魚炒芥蘭 $88本身想食椰菜苗，但侍應話最近唔當造所以冇提供。於是我哋揀咗芥蘭，芥蘭清甜爽口比較硬身，係我鍾意嘅口感。我覺得呢個炒菜味道相對之下唔算好濃。胡椒軟殼蟹 $228重口味之選！餐廳選用嘅軟
蝦片 $18
又脆又有香辣嘅胡椒味，一食就知道係nara 出品。雖然價錢比沙田分店貴$3，但個份量係Double size，其實好抵食。
香脆紅咖喱魷魚球(6件） $108
我覺得唔辣嘅，反而食到有千島醬味，酸酸甜甜咁幾開胃。魷魚球用墨魚同魷魚打成，真材實料，食得出有魷魚粒粒，口感彈牙。呢道菜係期間限定，有興趣嘅朋友要早啲去試吓啦！
泰式椰子雞湯 $128
椰奶令到湯底濃稠，有啲似椰汁西米露嘅質地。酸味比我想像中突出，飲得出用咗好多唔同嘅香料令味道更豐富，最重要係佢唔會好辣，大人小朋友都啱飲。湯料嘅雞肉大大嚿又嫩滑無骨，平時好怕食湯渣嘅我都忍唔住係咁食啲雞。另外好欣賞餐廳提供火爐㷫住個湯保温。
泰式鹹魚炒芥蘭 $88
本身想食椰菜苗，但侍應話最近唔當造所以冇提供。於是我哋揀咗芥蘭，芥蘭清甜爽口比較硬身，係我鍾意嘅口感。我覺得呢個炒菜味道相對之下唔算好濃。
胡椒軟殼蟹 $228
重口味之選！餐廳選用嘅軟殼蟹比較細隻，每件切到一口size，食起嚟唔會論盡，而且炸到咸香酥脆，用嚟送啤酒真係一大享受。
張貼
